Aishwarya Rajesh | బాలయ్య సినిమాలో విల‌న్ – సంక్రాంతికి వ‌స్తున్నాం హీరోయిన్ స‌రికొత్త అవ‌తారం?

Aishwarya Rajesh |  ఇంట గెలిచి ర‌చ్చ గెల‌వాల‌ని అంటుంటారు. కానీ అచ్చ తెలుగు అమ్మాయి ఐశ్వ‌ర్య రాజేష్ మాత్రం కోలీవుడ్‌లో టాప్ హీరోయిన్‌గా పేరు తెచ్చుకున్న త‌ర్వాత టాలీవుడ్‌లోకి అడుగుపెట్టింది. కెరీర్ ఆరంభం నుంచి గ్లామ‌ర్ పాత్ర‌ల‌కు దూరంగా ఉంటున్న ఈ బ్యూటీ క‌థ‌లు, పాత్ర‌ల ప‌రంగా ప్ర‌యోగాలు చేస్తోంది. తాజాగా ఈ బ్యూటీ ఫ‌స్ట్ టైమ్ తెలుగులో విల‌న్‌గా క‌నిపించ‌బోతున్న‌ట్లు ప్ర‌చారం జ‌రుగుతోంది.

112వ మూవీ...

బాల‌కృష్ణ హీరోగా కొర‌టాల శివ ద‌ర్శ‌క‌త్వంలో ప‌వ‌ర్‌ఫుల్ యాక్ష‌న్ ఎంట‌ర్‌టైన‌ర్ మూవీ రాబోతుంది. ఇటీవ‌లే ఈ సినిమా పూజా కార్య‌క్ర‌మాల‌ను నిర్వ‌హించారు. బాల‌కృష్ణ హీరోగా న టిస్తున్న 112వ సినిమా ఇది. త్వ‌ర‌లోనే రెగ్యుల‌ర్ షూటింగ్ మొద‌లుకాబోతుంది.

నెగెటివ్ షేడ్స్‌...

కాగా ఈ సినిమాలో సంక్రాంతికి వ‌స్తున్నాం హీరోయిన్ ఐశ్వ‌ర్య రాజేష్ నెగెటివ్ షేడ్స్‌తో కూడిన పాత్ర‌లో క‌నిపించ‌బోతున్న‌ట్లు వార్త‌లొస్తున్నాయి. హీరోగా ధీటుగా సాగే పాత్ర కోసం ఐశ్వ‌ర్య రాజేష్‌ను డైరెక్ట‌ర్ కొర‌టాల శివ అప్రోచ్ అయ్యార‌ట‌. పాత్ర‌లోని వేరియేష‌న్స్‌, స్కోప్ న‌చ్చ‌డంతో ఈ అచ్చ తెలుగు బ్యూటీ ఈ మూవీని అంగీక‌రించిన‌ట్లు స‌మాచారం.

కార్పెంట‌ర్‌...

ఐశ్వ‌ర్య రాజేష్ విల‌న్ పాత్ర చేయ‌బోతున్న ఫ‌స్ట్ తెలుగు మూవీ ఇదే కావ‌డం గ‌మ‌నార్హం. ఈ సినిమాకు త‌మ‌న్ మ్యూజిక్ అందిస్తున్నాడు. దేవ‌ర త‌ర్వాత కొర‌టాల శివ డైరెక్ష‌న్‌లో వ‌స్తోన్న ఈ సినిమాకు కార్పెంట‌ర్ అనే వెరైటీ టైటిల్‌ను ప‌రిశీలిస్తోన్న‌ట్లు వార్త‌లొస్తున్నాయి.

ఓ సుకుమారి....

ఐశ్వ‌ర్య రాజేష్ హీరోయిన్‌గా న‌టించిన ఓ సుకుమారి మూవీ ఇటీవ‌ల థియేట‌ర్ల‌లో రిలీజైంది. తెలంగాణ బ్యాక్‌డ్రాప్‌లో తెర‌కెక్కిన ఈ సినిమాలో తిరువీర్ హీరోగా న‌టించాడు. గ‌త వారం రిలీజైన తెలుగు సినిమాల్లో ఓ సుకుమారి డీసెంట్ క‌లెక్ష‌న్స్ రాబ‌డుతోంది. ఈ నెల‌లోనే ఓ సుకుమారితో పాటు ఐశ్వ‌ర్య రాజేష్ న‌టించిన‌ ఇస‌క‌ప‌ట్నం వెబ్‌సిరీస్ కూడా రిలీజైంది.