Priya Bhavani Shankar | ప్రియ భవానీ శంకర్ జీవితంలో కొత్త అధ్యాయం.. ప్రియుడు రాజ్‌వెల్‌తో ఏడడుగులు వేసిన ఇరుముడి భామ‌!

Priya Bhavani Shankar | సినీ తారల వ్యక్తిగత జీవితానికి సంబంధించిన వార్తలు ఎప్పుడూ అభిమానుల్లో ఆసక్తిని కలిగిస్తుంటాయి. ముఖ్యంగా కొన్నేళ్లుగా ప్రేమలో ఉన్న జంటలు పెళ్లి బంధంతో ఒక్కటైనప్పుడు ఆ ఆనందం మరింత ప్రత్యేకంగా ఉంటుంది. తాజాగా అందాల కథానాయిక ప్రియ భవానీ శంకర్ తన జీవితంలో కొత్త ప్రయాణాన్ని ప్రారంభించింది. తన చిరకాల ప్రియుడు రాజ్‌వెల్ రాజ్‌ను వివాహం చేసుకుని వైవాహిక జీవితంలోకి అడుగుపెట్టింది. కొన్నేళ్లుగా కొనసాగుతున్న వీరి ప్రేమబంధం ఇప్పుడు మూడు ముళ్ల బంధంగా మారింది. కుటుంబ సభ్యులు, సన్నిహితుల సమక్షంలో జరిగిన వివాహ వేడుకతో ఈ జంట ఒక్కటైంది.

కాలేజీ రోజుల పరిచయం.. ప్రేమగా మారి

ప్రియ భవానీ శంకర్, రాజ్‌వెల్ రాజ్‌ల పరిచయం కాలేజీ రోజుల నుంచే ప్రారంభమైంది. స్నేహంగా మొదలైన వీరి పరిచయం క్రమంగా ప్రేమగా మారింది. చాలాకాలంగా ఒకరినొకరు అర్థం చేసుకుంటూ సాగిన ఈ ప్రయాణాన్ని పెళ్లి బంధంతో మరింత ముందుకు తీసుకెళ్లాలని నిర్ణయించుకున్నారు. సాధారణంగా సినీ ప్రముఖులు తమ ప్రేమ వ్యవహారాలను బయటకు తెలియకుండా జాగ్రత్త పడుతుంటారు. కానీ ప్రియ భవానీ శంకర్ మాత్రం తన ప్రేమ విషయాన్ని ఎప్పుడూ దాచిపెట్టలేదు. రాజ్‌వెల్‌తో తనకున్న అనుబంధం గురించి పలు సందర్భాల్లో బహిరంగంగానే మాట్లాడింది. 2024లోనే తన పెళ్లిపై స్పందించిన ప్రియ.. రాజ్‌వెల్‌తో త్వరలోనే వివాహం చేసుకోబోతున్నట్లు వెల్లడించింది. అప్పటినుంచి ఈ జంట పెళ్లి ఎప్పుడు చేసుకుంటుందా? అని అభిమానులు ఆసక్తిగా ఎదురుచూస్తున్నారు. ఎట్టకేలకు ఆ ఎదురుచూపులకు తెరదించుతూ ఇద్దరూ వివాహ బంధంలోకి అడుగుపెట్టారు. దీంతో అభిమానులు, సినీ ప్రముఖుల నుంచి ఈ జంటకు శుభాకాంక్షలు వెల్లువెత్తుతున్నాయి.

‘ఇరుముడి’తో తెలుగు ప్రేక్షకులకు దగ్గరగా..

ప్రియ భవానీ శంకర్ కెరీర్ విషయానికి వస్తే.. తమిళ చిత్ర పరిశ్రమలో నటిగా మంచి గుర్తింపు తెచ్చుకున్న ఆమె, క్రమంగా దక్షిణాది భాషల్లోనూ అవకాశాలు ద‌క్కించుకుంటున్న‌ది. తొలుత టెలివిజన్ రంగంలో పనిచేసిన ఆమె.. ఆ తర్వాత సినిమాల్లోకి అడుగుపెట్టి తనకంటూ ప్రత్యేకమైన గుర్తింపు సంపాదించుకున్న‌ది. సహజమైన నటన, పాత్రకు తగ్గట్టుగా ఒదిగిపోయే తీరు ఆమెకు మంచి పేరును తీసుకొచ్చాయి. తమిళంలో పలు విజయవంతమైన చిత్రాల్లో నటించిన ప్రియ.. తెలుగు ప్రేక్షకులకు కూడా పరిచయమయ్యారు. ఇటీవల రవితేజ సరసన ‘ఇరుముడి’ చిత్రంలో ర‌విజేత భార్య పాత్రలో కనిపించి ప్రేక్షకులను ఆక‌ట్టుకున్న‌ది. కథలో కీలకమైన పాత్రలో తనదైన నటనతో మెప్పించింది.

చేతినిండా సినిమాలతో బిజీ..

వ్యక్తిగత జీవితంలో పెళ్లితో కొత్త అధ్యాయాన్ని ప్రారంభించిన ప్రియ.. మరోవైపు సినిమాల విషయంలోనూ బిజీగానే ఉన్న‌ది. వరుస ప్రాజెక్టులతో తన కెరీర్‌ను ముందుకు తీసుకెళ్తున్న‌ది. ముఖ్యంగా తమిళంలో విజయవంతమైన హారర్ థ్రిల్లర్ ఫ్రాంచైజీగా గుర్తింపు పొందిన ‘డిమోంటీ కాలనీ’ సిరీస్‌లో భాగంగా తెరకెక్కుతున్న ‘డిమోంటీ కాలనీ 3’లో ఆమె న‌టిస్తోంది. ఈ సిరీస్‌కు ప్రేక్షకుల్లో ప్రత్యేకమైన క్రేజ్ ఉంది. హారర్, సస్పెన్స్ అంశాలతో రూపొందిన తొలి చిత్రానికి వచ్చిన ఆదరణతో తర్వాతి భాగాలపై కూడా ఆసక్తి పెరిగింది. ఈ నేపథ్యంలో మూడో భాగంలో ప్రియ భవానీ శంకర్ కీలక పాత్రలో కనిపించనుంది. ఈ చిత్రాన్ని 2027 పొంగల్ కానుకగా ప్రేక్షకుల ముందుకు తీసుకురావాలని చిత్రబృందం భావిస్తోంది.

ప్రేమ.. పెళ్లి.. కెరీర్.. మూడు బాధ్యతలతో కొత్త ప్రయాణం

సినిమా రంగంలో తనకంటూ ప్రత్యేకమైన స్థానాన్ని సంపాదించుకునే క్రమంలో ఉన్న ప్రియ భవానీ శంకర్‌కు ఇప్పుడు వ్యక్తిగత జీవితంలోనూ కొత్త బాధ్యతలు మొద‌లైంది. కాలేజీ రోజుల నుంచి కొనసాగిన ప్రేమను పెళ్లి బంధంగా మార్చుకున్న ఈ జంటకు అభిమానులు శుభాకాంక్షలు తెలుపుతున్నారు. మరోవైపు ‘డిమోంటీ కాలనీ 3’తో పాటు రాబోయే ప్రాజెక్టులతో నటిగా తన ప్రయాణాన్ని కొనసాగించేందుకు ప్రియ సిద్ధ‌మ‌వుతున్న‌ది. మొత్తానికి ప్రేమించిన వ్యక్తితో కొత్త జీవితాన్ని ప్రారంభిస్తూనే, సినిమాల్లోనూ తనదైన ముద్ర వేసేందుకు ఈ అందాల భామ ముందుకు సాగుతోంది.

November 11th

Actress #PriyaBhavaniShankar and her long time boyfriend #RajvelRaj begin a beautiful new chapter together, celebrating their marriage in an intimate ceremony surrounded by loved ones.

#WeddingCelebration #NewBeginnings #KollywoodWedding https://t.co/Nd1Y2NKd9j

— Actor Kayal Devaraj (@kayaldevaraj) November 11, 2026