Pune Siya Goyal Case | భర్త, బెస్ట్ ఫ్రెండ్ మాస్టర్ స్కెచ్.. పావుగా మారిన సియా! ఈ క్రైమ్ స్టోరీ చదివితే మైండ్ బ్లాంకే..!

Pune Siya Goyal Case | త్రినేత్ర.న్యూస్ : సియా గోయల్, కేతన్ కేసులో ఎవరూ ఊహించని సంచలన విషయాలు వెలుగులోకి వచ్చాయి. డబ్బు కోసం చేసిన ఓ హత్య.. ఆ తర్వాత జరిగిన నమ్మకద్రోహం (Betrayal) చూస్తుంటే క్రైమ్ థ్రిల్లర్ సినిమాను తలపిస్తోంది. ప్రాణంగా ప్రేమించిన భర్త, నమ్మిన బెస్ట్ ఫ్రెండ్ కలిసి తనను ఎలా వాడుకున్నారో తెలిసి సియా ఇప్పుడు తీవ్ర దిగ్భ్రాంతిలో ఉంది.

మధ్యవర్తిగా వచ్చి.. వలపు వల వేసి

సియా, చేతన్ ఇద్దరూ ప్రేమించుకున్నారు. కానీ ఇతరుల ముందు నేరుగా కలుసుకోవడం సియాకు కష్టం కావడంతో.. తన కాలేజ్ ఫ్రెండ్ రోహిణిని (Rohni) మధ్యవర్తిగా పెట్టింది. ఇద్దరి మధ్య మెసేజ్‌లు, మాటలు రోహిణి ద్వారానే సాగేవి. ఒకసారి సియా రాకపోవడంతో ఓ కేఫ్‌లో చేతన్, రోహిణి ఒంటరిగా కలవాల్సి వచ్చింది. సియా రిప్లైలు లేట్‌గా వస్తుండటంతో తరచూ ఫ్రస్ట్రేట్ అయ్యే చేతన్.. ఆ సమయంలో నెమ్మదిగా రోహిణితో క్లోజ్ అయ్యాడు. అలా సియాకు తెలియకుండా వాళ్లిద్దరూ ఏకంగా ఆరు నెలల పాటు ఎఫైర్ (Affair) నడిపారు.

మర్డర్ స్కెచ్.. మాస్టర్ ప్లాన్

చేతన్ కేవలం డబ్బు కోసమే సియాను పెళ్లి చేసుకున్నాడు. కానీ అదే సమయంలో కేతన్ (Ketan) అనే యువకుడు సియాను పెళ్లి చేసుకోవాలని బలవంతం చేయడం మొదలుపెట్టాడు. కేతన్ వల్ల తమ ప్లాన్ చెడిపోతుందని భావించిన చేతన్, రోహిణి.. అతన్ని అడ్డుతొలగించుకోవాలని స్కెచ్ గీశారు. కేతన్ చనిపోతే, ఆ డబ్బు తీసుకుని ఇద్దరూ సిటీ విడిచి పారిపోవచ్చని ప్లాన్ (Plan) చేసుకున్నారు.

దీనికోసం చేతన్ తన భార్య సియాను పావుగా వాడుకున్నాడు. కేతన్‌ను చంపేసి, కొన్ని నెలల పాటు డిప్రెషన్‌లో ఉన్నట్లు నటించాలని, ఈలోపు తాను ఎక్కడైనా దాక్కుంటానని సియాను నమ్మించాడు. అయితే స్నాప్‌చాట్ (Snapchat) చాట్ ద్వారా రోహిణి.. చేతన్‌కు ఒక స్ట్రిక్ట్ కండిషన్ పెట్టింది. కేతన్‌ను కోట (Fort) పైనుంచి సియా ఒక్కతే తోసేయాలని, ఆ క్రైమ్‌లో నువ్వు భాగం కావొద్దని వార్నింగ్ ఇచ్చింది. కానీ సియా ఒక్కతే ఆ పని చేయలేకపోవడంతో.. తప్పనిసరి పరిస్థితుల్లో చేతన్ కూడా ఆమెకు సాయం చేసి కేతన్‌ను కోట పైనుంచి కిందకు తోసేశారు.

అసలు ట్విస్ట్ ఏంటంటే?

మర్డర్ జరిగిన తర్వాత అసలు ట్విస్ట్ బయటపడింది. చేతన్ కోసం సియా ఏకంగా రూ.1 కోటి ఇస్తే.. అందులో నుంచి రూ. 20 లక్షలు తీసుకుని రోహిణి జంప్ అయింది. అప్పటిదాకా తన భర్త చేతన్, తన ప్రాణ స్నేహితురాలు రోహిణి ఇద్దరూ కలిసి తన వెనక ఎంత పెద్ద కుట్ర పన్నారో తెలుసుకుని సియా కంగుతిన్నది. నమ్మిన వాళ్లే తనతో మర్డర్ చేయించి చివరకు ఇలా దారుణంగా మోసం చేశారని తెలిసి ఇప్పుడు ఆమె లబోదిబోమంటోంది.

ఈ రోజుల్లో ఎవరినీ గుడ్డిగా నమ్మకూడదు అనడానికి ఈ కేసే పెద్ద ఉదాహరణ!