Money Shower on Bride | పెళ్లి కూతురిపై కరెన్సీ వర్షం.. ఎక్కడ చూసినా కుప్పలుగా నోట్లు.. ఇంటర్నెట్‌ను షేక్ చేస్తున్న వీడియో

Money Shower on Bride | త్రినేత్ర.న్యూస్ : భారత్‌లో జరిగే పెళ్లిళ్లలో ఆడంబరాలకు కొదవలేదు. ఒక్కోసారి ఈ సంబరాలు హద్దులు దాటి సోషల్ మీడియాలో చర్చనీయాంశంగా మారుతుంటాయి. తాజాగా పంజాబ్‌లో జరిగిన ఓ పెళ్లి వేడుకలో వరుడి కుటుంబ సభ్యులు ఏకంగా వధువుపై కరెన్సీ నోట్ల వర్షం కురిపించారు. దీనికి సంబంధించిన వీడియో ప్రస్తుతం ఇంటర్నెట్‌ను షేక్ చేస్తోంది.

పంజాబ్‌లోని తార్న్ తరణ్ (Tarn Taran) జిల్లాలో ఫిబ్రవరి 14న ఈ పెళ్లి జరిగింది. పెళ్లి వేడుకలో భాగంగా డీజే మోగుతుండగా.. వరుడి స్నేహితులు, కుటుంబ సభ్యులు వధువుపై కరెన్సీ నోట్లను వెదజల్లారు. వందలు, ఐదు వందల నోట్లతో పాటు విదేశీ కరెన్సీ (డాలర్లు) కూడా గాలిలో ఎగురుతూ కనిపించాయి. కాసేపటికే ఆ ప్రాంతమంతా కరెన్సీ నోట్లతో నిండిపోయి, కింద ఫ్లోర్ కనిపించకుండా పోయింది. ఈ దృశ్యాన్ని చూసిన నెటిజన్లు ఆశ్చర్యపోతున్నారు.

రూ.8.5 కోట్లు వెదజల్లారా?

ఈ వీడియో వైరల్ అయిన వెంటనే, వరుడి కుటుంబం దాదాపు రూ.8.5 కోట్ల నుంచి రూ.10 కోట్ల వరకు పెళ్లి కూతురు మీద డబ్బును వెదజల్లిందని సోషల్ మీడియాలో పుకార్లు షికారు చేశాయి. "ఇది పెళ్లా లేక డబ్బుల జాతరా?" అంటూ నెటిజన్లు కామెంట్స్ చేయడం మొదలుపెట్టారు.

అసలు నిజం ఏంటి?

ఈ ప్రచారంపై వరుడి కుటుంబం స్పందించింది. వైరల్ అవుతున్న వార్తల్లో నిజం లేదని వరుడి సోదరుడు సికిందర్ సింగ్ స్పష్టం చేశారు. "నా సోదరుడు ఆస్ట్రేలియాలో ట్రక్ బిజినెస్ చేస్తాడు. మా ఆనందం కోసం పెళ్లిలో డబ్బులు వెదజల్లిన మాట వాస్తవమే. కానీ సోషల్ మీడియాలో చెబుతున్నట్లు అది రూ.8 కోట్లు కాదు. మేం వెదజల్లింది కేవలం రూ.2 లక్షల నుంచి రూ.4.5 లక్షలు మాత్రమే" అని ఆయన క్లారిటీ ఇచ్చారు. ఈవెంట్ నిర్వాహకులు కూడా ఇదే విషయాన్ని ధృవీకరించారు.

మిశ్రమ స్పందన

ఈ వీడియోపై నెటిజన్ల నుంచి మిశ్రమ స్పందన లభిస్తోంది. కొందరు దీన్ని పంజాబీ వెడ్డింగ్ కల్చర్‌గా అభివర్ణిస్తుండగా, మరికొందరు మాత్రం "డబ్బు వృథా చేయడం బదులు పేదలకు సాయం చేయవచ్చు కదా" అని విమర్శిస్తున్నారు. ఏది ఏమైనా, ఈ 'మనీ షవర్' వీడియో ఇప్పుడు సోషల్ మీడియాలో చక్కర్లు కొడుతోంది. నెట్టింట్లో చక్కర్లు కొడుతోంది.

https://x.com/BharatXnow/status/2024012758908596702