లోడ్ అవుతోంది...
Pradeep Manthri
Telangana | Jan 12, 2026, 6.09 pm IST
KTR | బీఆర్ఎస్ వర్కింగ్ ప్రెసిడెంట్ కల్వకుంట్ల తారకరామారావు మరోసారి కాంగ్రెస్ ప్రభుత్వంపై విరుచుకుపడ్డారు. బంగారం ఇచ్చే బ్యాచ్ కాదు.. పుస్తెల తాడు దోచే రకం అంటూ ఘాటుగా స్పందించారు. మహబూబ్నగర్, నారాయణపేట జిల్లాలో బీఆర్ఎస్ తరఫున గెలిచిన సర్పంచులు, వార్డు సభ్యుల ఆత్మీయ సమ్మేళనం కార్యక్రమంలో కేటీఆర్ పాల్గొన్నారు. ఈ సందర్భంగా వారికి అభినందనలు తెలిపారు. గతంలో తాను మున్సిపల్ మంత్రిగా పని చేశానని, 2014 కంటే ముందు మహబూబ్నగర్ పట్టణం ఎట్లుండే ఇయ్యాల ఎట్లున్నదనేది అందరికీ తెలుసునన్నారు. ఒక్క మహబూబ్నగరే కాదు, నారాయణపేట, వనపర్తి, నాగర్కర్నూల్, గద్వాల్ ఇలా ఈ జిల్లాలో ఏ పట్టణం చూసినా ఎట్ల అభివృద్ది చెందాయో అందరూ చూశారని.. ఈ పట్టణాలు 2014కు ముందు ఎట్టుండె.. ఇప్పుడు ఎట్లున్నయో గమనించాలన్నారు.
కేసీఆర్ నాయకత్వంలో ఒకట్రెండు కాదు.. అన్ని పట్టణాలను అభివృద్ధి చేసుకున్నామన్నారు. అన్ని పల్లెలను అభివృద్ధి చేసుకున్నామని తెలిపారు. పట్టణ ప్రగతి, పల్లె ప్రగతి కార్యక్రమాల కింద.. పల్లె, పట్టణం అన్న తేడా లేకుండా బ్రహ్మాండంగా అభివృద్ధి చేశామని, అసెంబ్లీ ఎన్నికల్లో మనం కొద్ది తేడాతో ఓడిపోయామన్నారు. కాంగ్రెస్ అధికారంలోకి వచ్చి రెండేళ్లయ్యిందని, ఎక్కడ వేసిన గొంగడి అక్కడే అన్నట్లు ఒక్క పని కూడా కొత్తగా చేసింది లేదని విమర్శించారు. పల్లెల్లో కేసీఆర్ నాయకత్వంలో ట్రాక్టర్లు పెట్టి, నీటి ట్యాంకర్లు పెట్టి, చెట్లు పెట్టి, ఇంటింటికి నల్లా పెట్టి, ప్రతి పల్లె వీధుల్లో స్ట్రీట్ లైట్లు పెట్టి, డంపింగ్ యార్డులు పెట్టి, వైకుంఠధామాలు కట్టి, పల్లె ప్రకృతి వనాలు కట్టి బ్రహ్మాండమైన అభివృద్ధిని కేసీఆర్ చూపించారని, కానీ కాంగ్రెస్ అధికారంలోకి వచ్చిన ఈ రెండేళ్లలో ట్యాంకర్లలో నీళ్లు లేవు, ట్రాక్టర్లో డీజిల్ లేదు. వీధుల్లో లైట్లు వెలుగుతలేవని ఆరోపించారు.
రూ.73 వేల కోట్లతో రైతుబంధు పథకం తెచ్చిన ఘనత కేసీఆర్దేనని, కాంగ్రెస్ ఈ పథకాలన్నింటిని తుంగలో తెక్కిందని విమర్శించారు. రెండేళ్లలో ఎవరికీ న్యాయం జరగలేదని అన్నారు. వనపర్తి, గద్వాల, నారాయణపేట జిల్లాలను తొలగిస్తామని మంత్రి పొంగులేటి శ్రీనివాస్రెడ్డి చెబుతున్ఆనడని, జిల్లాలను ముట్టుకుంటే అగ్గిపుట్టిస్తామని ఆయన హెచ్చరించారు. పాలమూరు- రంగారెడ్డి ఎత్తిపోతల పథకంలో రూ.30 వేల కోట్లు ఖర్చు చేసి 90 శాతం పనులు పూర్తి చేశామని, పెండింగ్లో ఉన్న పదిశాతం చేయడం కాంగ్రెస్కు చేతకావడం విమర్శించారు. కేసీఆర్ పేరొస్తదని, ఆయన పాత బాస్కు కోపమొస్తదని పాలమూరు-రంగారెడ్డి ప్రాజెక్టును పూర్తి చేయడం లేదన్నారు. కాంగ్రెస్ అధికారంలోకి వచ్చిన రెండేళ్లకే కాంగ్రెస్ ప్రజల్లో అసంతృప్తి పెరిగిందని.. అందుకే పంచాయతీ ఎన్నికల్లో 40శాతం సీట్లను ప్రజలకు బీఆర్ ఎస్కు ఇచ్చారన్నారు. మార్పు మొదలైందడానికి పంచాయతీ ఎన్నికలే నిదర్శనమన్న కేటీఆర్.. రాబోయే మున్సిపల్ ఎన్నికల్లోనూ కాంగ్రెస్కు ప్రజలు బుద్ధి చెబుతారన్నారు.
జనవరి 12, 2026
జనవరి 12, 2026
జనవరి 12, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam