Bottle Gourd | ‘గ‌ద’ ఆకారంలో ‘సొర‌కాయ‌లు’.. మీరు ఓ లుక్కేయండి..!

Bottle Gourd | కూర‌గాయ‌ల‌కు సంబంధించి ఈ భూమ్మీద అనేక వింత‌లు చూశాం. ఓ కూర‌గాయ చెట్టుకు మ‌రో కూర‌గాయ కాసిన దృశ్యాల్ని చూశాం. అంతేకాదు.. వివిధ కూర‌గాయ‌ల ప‌రిమాణంలో భారీ వ్య‌త్యాసాలు చూశాం. చాలా ర‌కాల కూర‌గాయ‌ల చెట్లు ఉండాల్సిన పొడ‌వు కంటే భారీ పొడ‌వుగా లేదా అత్యంత పొట్టిగా ఉన్న వాటిని కూడా ఎన్నో సార్లు చూశాం. ఇక ప‌లు కూర‌గాయ‌ల మొక్క‌ల‌కు స్థాయికి మించి వెజిట‌బుల్స్ విర‌గ‌కాసిన సంద‌ర్భాలు ఉన్నాయి. ఇదంతా ఎందుకు చెప్పాల్సి వ‌చ్చిందంటే.. ఓ వింతైన సొర‌కాయ మ‌న ముందు ప్ర‌త్య‌క్షం అయింది కాబ‌ట్టి.

భ‌ద్రాద్రి కొత్త‌గూడెం జిల్లా చ‌ర్ల మండ‌లం ఉయ్యాల‌మ‌డుగులో ఓ ఆదివాసీ త‌న ఇంటి ఆవ‌ర‌ణ‌లో కూర‌గాయ‌ల మొక్క‌లు సాగు చేసుకుంటున్నాడు. ఇందులో ఓ సొర‌కాయ మొక్క కూడా ఉంది. ఇక ఈ మొక్క భారీగా సొర‌కాయ‌ల‌ను ఉత్ప‌త్తి చేసింది. ఈ సొర‌కాయ‌లు కాస్త భిన్నంగా ఉన్నాయి. గ‌ద ఆకారంలో పొడవుగా ఉండి.. స్థానికుల‌ను ఆక‌ర్షిస్తున్నాయి.

ఈ సంద‌ర్భంగా ఈ పొడ‌వాటి సొర‌కాయ‌ల గురించి ఇంటి య‌జ‌మాని మాట్లాడుతూ.. వీటిని కూర‌గా వండుకోవ‌డంతో పాటు, ఎండ‌బెట్టి లోప‌లి గుజ్జు తీసి నీరు, క‌ల్లు వంటివి పోసుకోవ‌డానికి ఉప‌యోగిస్తామ‌ని తెలిపాడు.