Global EV Sales 2025 | ఎలక్ట్రిక్ కార్ల వాడకంలో నంబర్ వన్ దేశం ఏదో తెలుసా? భారత్ ర్యాంక్ ఎంతో చూడండి!

Global EV Sales 2025 | త్రినేత్ర.న్యూస్ : ప్రస్తుతం ప్రపంచవ్యాప్తంగా ఎలక్ట్రిక్ వాహనాల (EV) ట్రెండ్ నడుస్తోంది. పెట్రోల్, డీజిల్ ధరల పెరుగుదల, పర్యావరణ స్పృహ కారణంగా ప్రజలు ఈవీలను కొనుగోలు చేసేందుకు ఆసక్తి చూపుతున్నారు. ఈ క్రమంలో 2025 సంవత్సరానికి గానూ కొత్త కార్ల అమ్మకాల్లో ఎలక్ట్రిక్ వాహనాల వాటా ఎంత (Share of New Car Sales in 2025) ఉందనే విషయమై 52 దేశాలతో కూడిన జాబితాలో ఆసక్తికర విషయాలు వెల్లడయ్యాయి.

Global EV Sales 2025 | నార్వే నంబర్ వన్.. నేపాల్ సూపర్!

యూరప్ దేశమైన నార్వే ఎలక్ట్రిక్ కార్ల వాడకంలో ప్రపంచానికే ఆదర్శంగా నిలుస్తోంది. అక్కడ అమ్ముడవుతున్న ప్రతి 100 కొత్త కార్లలో 97 కార్లు ఎలక్ట్రిక్ వాహనాలే కావడం విశేషం. ఇక ఈ జాబితాలో అందరినీ ఆశ్చర్యపరుస్తూ మన పొరుగు దేశమైన నేపాల్ 73 శాతం ఈవీ అమ్మకాలతో ఏకంగా రెండో స్థానంలో నిలిచింది.

అగ్రరాజ్యాల పరిస్థితి ఏంటి? మన ఇండియా స్థానం ఎంత?

ఆటోమొబైల్ రంగాన్ని శాసించే అగ్రరాజ్యాలు ఈవీల వాడకంలో కాస్త వెనుకబడే ఉన్నాయి. ఈవీల ఉత్పత్తిలో ముందుండే చైనా 53 శాతం వాటాతో 8వ స్థానంలో నిలిచింది. ప్రపంచ అగ్రరాజ్యం అమెరికా కేవలం 10 శాతం ఈవీ అమ్మకాలతో 36వ స్థానానికి పరిమితమైంది. టయోటా, సుజుకి లాంటి దిగ్గజ కంపెనీలకు నిలయమైన జపాన్ కేవలం 3 శాతంతో 50వ స్థానంలో ఉండటం గమనార్హం. ఇక మన భారతదేశం భవిష్యత్తులో ఈవీల హబ్‌గా మారుతుందని అంచనాలు ఉన్నప్పటికీ, ప్రస్తుతం కొత్త కార్ల అమ్మకాల్లో ఈవీల వాటా కేవలం 4 శాతం మాత్రమే ఉంది. దీంతో భారత్ 48వ స్థానంలో నిలిచింది.

కొత్త కార్ల అమ్మకాల్లో ఈవీల వాటా (2025 టాప్ 52 దేశాల జాబితా):