Anwar Ibrahim Rahul Gandhi Meeting | ఢిల్లీలో ఆసక్తికర భేటీ: రాహుల్ గాంధీ, ప్రియాంకలతో మలేషియా ప్రధాని బ్రేక్‌ఫాస్ట్

Anwar Ibrahim Rahul Gandhi Meeting | త్రినేత్ర.న్యూస్ : భారత పర్యటనలో ఉన్న మలేషియా ప్రధానమంత్రి దాటో సేరీ అన్వర్ ఇబ్రహీం దేశ రాజధాని న్యూఢిల్లీలో ఆదివారం ఉదయం కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీ, ఏఐసీసీ ప్రధాన కార్యదర్శి ప్రియాంక గాంధీ వాద్రాలతో ప్రత్యేకంగా సమావేశమయ్యారు. 18వ బ్రిక్స్ సదస్సులో పాల్గొనేందుకు వచ్చిన అన్వర్ ఇబ్రహీం.. కాంగ్రెస్ అగ్రనేతలకు బ్రేక్‌ఫాస్ట్ మీటింగ్‌లో ఆత్మీయ ఆతిథ్యం ఇచ్చారు.

ఈ భేటీలో రాహుల్ గాంధీ తెల్లటి కుర్తాలో, ప్రియాంక గాంధీ లేత నీలిరంగు చీరలో కనిపించారు. నేతలంతా డైనింగ్ టేబుల్ వద్ద నవ్వుతూ కరచాలనం చేసుకుంటూ చర్చలు జరుపుతున్న ఫొటోలు బయటకు వచ్చాయి. ఈ భేటీ అనంతరం మలేషియా ప్రధాని సోషల్ మీడియా వేదికగా స్పందిస్తూ.. రాహుల్ గాంధీని తన ‘మంచి స్నేహితుడు’ అని సంబోధించారు. ఇరు దేశాల వ్యూహాత్మక బంధాన్ని గుర్తుచేసుకుంటూనే, అంతర్జాతీయ, ప్రాంతీయ అంశాలపై తమ అభిప్రాయాలను పరస్పరం పంచుకున్నట్లు ఆయన పేర్కొన్నారు.

మోదీతో ద్వైపాక్షిక చర్చల తర్వాత..

ప్రధాని నరేంద్ర మోదీతో అన్వర్ ఇబ్రహీం శనివారం కీలక ద్వైపాక్షిక చర్చలు జరిపిన మరుసటి రోజే ఈ భేటీ జరగడం ప్రాధాన్యత సంతరించుకుంది. ప్రధాని మోదీతో భేటీలో వాణిజ్యం, పెట్టుబడులు, సెమీకండక్టర్లు, రక్షణ, మౌలిక వసతుల కల్పన వంటి రంగాల్లో భాగస్వామ్యాన్ని బలోపేతం చేసుకోవడంపై అన్వర్ చర్చించారు.

18వ బ్రిక్స్ సదస్సులో మలేషియా ఒక అధికారిక భాగస్వామ్య దేశంగా (Partner Country) చేరడం ద్వారా అంతర్జాతీయ దౌత్యంలో తన స్థానాన్ని మరింత పటిష్టం చేసుకుంటోంది. ఇటు అధికార పక్షం ప్రధానితోనూ, అటు విపక్ష నేతలతోనూ మలేషియా ప్రధాని జరిపిన ఈ భేటీలు భారత్-మలేషియా దేశాల సుదీర్ఘ దౌత్య బంధానికి అద్దం పడుతున్నాయి.

LoP Shri @RahulGandhi, along with Congress General Secretary Smt. @priyankagandhi ji, met H.E. Dato’ Seri @anwaribrahim, Prime Minister of Malaysia, for a breakfast meeting in New Delhi. pic.twitter.com/PltsWmXKkF

— Congress (@INCIndia) September 13, 2026

LoP Shri @RahulGandhi and Congress General Secretary Smt. @priyankagandhi ji met H.E. Dato’ Seri @anwaribrahim, Prime Minister of Malaysia today.

📍New Delhi pic.twitter.com/EV9PIDizwZ

— Congress (@INCIndia) September 13, 2026