Sabarimala | అయ్య‌ప్ప భ‌క్తుల‌కు గుడ్‌న్యూస్‌.. ఇక పంపా వ‌ర‌కూ బ‌స్సు

Sabarimala | త్రినేత్ర న్యూస్ : శ‌బ‌రిమ‌ల (Sabarimala) వెళ్లే అయ్య‌ప్ప భ‌క్తుల‌కు కేర‌ళ ప్ర‌భుత్వం (Kerala) గుడ్‌న్యూస్ చెప్పింది. కేరళ రాష్ట్ర రోడ్డు రవాణా సంస్థ (KSRTC) త‌ర‌ఫున ఓ ప్ర‌త్యేక ప్యాకేజీని ప్ర‌క‌టించింది. భక్తులు కేరళలో ఏ ప్రాంతం నుంచైనా నేరుగా పంపా (Pampa) వరకు కేఎస్‌ఆర్‌టీసీ బస్సులను చార్టర్ చేసుకోవచ్చని కేరళ రవాణా శాఖ మంత్రి సి.పి. జాన్ (CP John) ప్రకటించారు.

ఈ చార్ట‌ర్డ్ స‌ర్వీసుల‌కు అద‌న‌పు ఛార్జీలు ఏవీ ఉండ‌వ‌ని మంత్రి స్ప‌ష్టం చేశారు. భ‌క్తులు ఉన్న చోటు కే బ‌స్సులు వెళ్లి వారిని ఎక్కించుకుని నేరుగా పంపా వ‌ద్ద దించుతాయ‌ని చెప్పారు. అయితే, ఈ సేవ‌ల‌కు క‌నీసం 45 టికెట్లు త‌ప్ప‌నిస‌రి అని స్ప‌ష్టం చేశారు. ఇందులో ఎలాంటి మిన‌హాయింపు ఉండ‌ద‌ని తేల్చి చెప్పారు. భ‌క్త బృందాలు క‌లిసి ఈ బ‌స్సు సౌక‌ర్యాన్ని ఉప‌యోగించుకోవాల‌ని సూచించారు. కాగా, గతంలో శ‌బ‌రిమ‌ల వెళ్లే భ‌క్తులు నిలక్కల్ బేస్ క్యాంప్ వద్దే ప్రైవేట్ వాహనాలను నిలిపివేసి.. అక్కడి నుంచి పంపాకు వేరే బస్సులు మారాల్సి వచ్చేది. దీనివల్ల భక్తులు ఎన్నో ఇబ్బందులు పడేవారు. ఈ ఇబ్బందులను తొలగిస్తూ భ‌క్తుల ప్ర‌యాణాన్ని మ‌రింత సుల‌భ‌త‌రం చేసేందుకు రాష్ట్ర ప్ర‌భుత్వం ఈ కొత్త విధానాన్ని ప్ర‌వేశ‌పెట్టింది.

Also Read..

సైన్యం చేతికి నాగాస్త్ర-2.. శ‌త్రువుల‌కు వ‌ణుకే

విభజన శక్తులకు వ్య‌తిరేకంగా ఐక్యంగా పోరాడాలి.. ప్రధాని మోదీ పిలుపు

యూపీ ఓట‌ర్ల జాబితాలో విచిత్ర‌మైన పేర్లు.. తండ్రి పేరు స్థానంలో B.Com