Indian Air Force Jobs | 10th క్లాస్‌ అర్హతతో ఎయిర్‌ ఫోర్స్‌లో ఉద్యోగాలు: నెలకు రూ.30 వేల జీతం.. దరఖాస్తు చేసుకోండిలా..!

Indian Air Force Jobs | త్రినేత్ర.న్యూస్ : ప్రభుత్వ ఉద్యోగం సాధించాలనేది చాలా మంది కల. అందులోనూ రక్షణ రంగంలో దేశానికి సేవ చేసే అవకాశం వస్తే ఆ కిక్కే వేరు. సాధారణంగా ఎయిర్‌ ఫోర్స్ అనగానే పైలట్లు, టెక్నీషియన్లు మాత్రమే ఉంటారని అనుకుంటారు. కానీ, కేవలం పదో తరగతి అర్హతతో కూడా భారత వాయుసేన (Indian Air Force)లో మంచి ఉద్యోగ అవకాశాలు ఉంటాయి. వాయుసేనలో ఉండే పలు ఇతర పోస్టులు, వాటి అర్హతలు, జీతభత్యాల వివరాలు మీకోసం.

అగ్నివీర్ వాయు (నాన్-కంబాటెంట్) పోస్టులు

• 10వ తరగతి అర్హతతో అగ్నివీర్ వాయు విభాగంలో నాన్-కంబాటెంట్ (యూనిఫామ్ సర్వీస్) పోస్టుల భర్తీ జరుగుతుంది.
• ఇందులో ప్రధానంగా మెస్ స్టాఫ్, హౌస్ కీపింగ్ వంటి పోస్టులు ఉంటాయి.
• అగ్నివీరులకు 4 ఏళ్ల సర్వీస్ కాలం మాత్రమే ఉంటుంది.
• అయితే, ఈ నాలుగేళ్లలో వారి పనితీరు ఆధారంగా 25% మందిని శాశ్వత ప్రాతిపదికన (Permanent Basis) రక్షణ శాఖ విధుల్లోకి తీసుకునే అవకాశం ఉంటుంది.

సివిలియన్ ఉద్యోగాలు

అగ్నివీర్స్‌తో పాటు వాయుసేనలో సివిలియన్ ఉద్యోగాలు కూడా ఉంటాయి. వీరు దేశవ్యాప్తంగా ఉన్న వివిధ వాయుసేన స్టేషన్లలో పని చేయాల్సి ఉంటుంది.

• మల్టీ టాస్కింగ్ స్టాఫ్ (MTS)
• హౌస్ కీపింగ్ స్టాఫ్
• మెస్ వర్కర్
• సఫాయి వాలా

వంటి పోస్టులకు ఈ రిక్రూట్‌మెంట్‌లో ఎంపిక చేస్తారు.

అర్హతలు, ఎంపిక ప్రక్రియ ఎలా ఉంటుంది?

వయసు: ఈ పోస్టులకు దరఖాస్తు చేసుకునే అభ్యర్థుల వయసు 17 నుంచి 21 సంవత్సరాల మధ్య ఉండాలి.

ఫిట్‌నెస్: రక్షణ రంగం కాబట్టి తప్పనిసరిగా తగిన 'బాడీ ఫిట్‌నెస్' ఉండాలి.

రాతపరీక్ష: అభ్యర్థులను ఆన్‌లైన్ పరీక్ష INSET ద్వారా ఎంపిక చేస్తారు.

సిలబస్: ఈ పరీక్షలో జనరల్ ఇంటెలిజెన్స్, జనరల్ అవేర్‌నెస్, క్వాంటిటేటివ్ ఆప్టిట్యూడ్, ఇంగ్లీష్ సబ్జెక్టుల నుంచి ప్రశ్నలు వస్తాయి.

శాలరీ, ఇతర ప్రయోజనాలు

• అగ్నివీర్ విభాగంలో చేరిన వారికి నెలకు రూ.30,000 జీతం లభిస్తుంది.
• 4 ఏళ్ల సర్వీస్ పూర్తయిన తరువాత సేవా నిధి కింద సుమారు రూ.10 లక్షల భారీ ఆర్థిక ప్యాకేజీని ప్రభుత్వం అందిస్తుంది.
• సర్వీసులో ఉంటూనే దూరవిద్య (Distance Education) ద్వారా ఉన్నత చదువులు చదువుకునే అద్భుతమైన అవకాశం ఉంది.
• ఆ చదువుల ఆధారంగా అంతర్గత పరీక్షలు రాసి, ఉన్నత స్థాయికి పదోన్నతులు (Promotions) కూడా పొందవచ్చు.

పదో తరగతితోనే సెంట్రల్ గవర్నమెంట్ జాబ్ కొట్టాలనే పట్టుదల ఉన్న యువతకు ఇది ఒక సువర్ణావకాశం. ఆసక్తి ఉన్న అభ్యర్థులు ఇండియన్ ఎయిర్ ఫోర్స్ అధికారిక వెబ్‌సైట్ ద్వారా ఎప్పటికప్పుడు వచ్చే నోటిఫికేషన్లను గమనిస్తూ ఉండాలి.