Manipur Violence | మ‌ణిపూర్‌లో మ‌ళ్లీ హింస‌.. మృత‌దేహాల‌తో సీఎం బంగ్లాకు

Manipur Violence | త్రినేత్ర న్యూస్ : ఈశాన్య రాష్ట్రం మ‌ణిపూర్‌లో మ‌రోసారి హింస (Manipur Violence) చెల‌రేగింది. ఇంఫాల్ (Imphal) తూర్పు జిల్లాలో సోమ‌వారం ఉద‌యం 9:30 గంట‌ల ప్రాంతంలో నుంగ్స‌మ్ కొండ‌ల (Nongsum Hills) స‌మీపంలోని ఉయుంపుక్‌లో (Uyumpok) అనుమానిత ఉగ్ర‌వాదులు జ‌రిపిన దాడిలో ముగ్గురు వ్య‌క్తులు ప్రాణాలు కోల్పోయారు. ప‌లువురు గాయ‌ప‌డ్డారు.

ఇంఫాల్ తూర్పు, కుకీ ప్రాబల్య కంగ్పోక్పి జిల్లాల సరిహద్దు ప్రాంతానికి స‌మీపంలో క‌ట్టెలు సేక‌రించేందుకు వెళ్లిన వారిపై ఈ దాడి జ‌రిగిన‌ట్లు స్థానిక ఎమ్మెల్యే తొక్చోమ్ లోకేశ్వ‌ర్ సింగ్ తెలిపారు. మృతులు అరుబం రోనిల్ (35), లారెన్ లక్పామ్ ఇనాయోబి (44), క్షేత్రిమయుమ్ సుశీల్ (32)గా గుర్తించారు. గాయ‌ప‌డిన మ‌రో ఇద్ద‌రు వ్య‌క్తులు ఇంఫాల్‌లోని రాజ్ మెడిసిటీలో చికిత్స పొందుతున్న‌ట్లు అధికారులు తెలిపారు. ఈ ఘ‌ట‌న‌పై అధికారులు అధికారులు జోక్యం చేసుకోవాల‌ని ఎమ్మెల్యే డిమాండ్ చేశారు.

మ‌రోవైపు ఈ దాడి ఘ‌ట‌న‌పై స్థానికులు తీవ్రంగా మండిప‌డ్డారు. ఘటనకు నిరసనగా స్థానికులు ఇద్దరు బాధితుల మృతదేహాలను ఇంఫాల్‌కు తీసుకువచ్చి ముఖ్య‌మంత్రి నివాసం (Chief Minister's Bungalow) ముందు ఉంచి ఆందోళ‌న చేప‌ట్టారు. అప్ర‌మ‌త్త‌మైన భ‌ద్ర‌తా ద‌ళాలు నిర‌స‌న‌కారుల‌ను చెద‌రొగ‌ట్టేందుకు బాష్ప‌వాయువు ప్ర‌యోగించారు. ఆ స‌మ‌యంలో నివాసంలో సీఎం ఉన్నారా..? లేదా..? అనేది తెలియ‌రాలేదు. ఈ ఘ‌ట‌న‌తో ఇంఫాల్‌లో ఉద్రిక్త ప‌రిస్థితులు నెల‌కొన్నాయి.

Also Read..

రైళ్ల‌లో గ‌ట్టిగా పాట‌లు వింటున్నారా.. అయితే మీకు జైలు శిక్ష త‌ప్ప‌దు

అణు విద్యుత్ రంగంలో భారీ అవకాశాలు.. ఈ రెండు షేర్లపై ఓ లుక్కేయండి..

ఎల్‌ నినోపై కేబినెట్ స‌బ్ క‌మిటీ ఏర్పాటు