Genetics and longevity | స్మోకింగ్, డ్రింకింగ్ చేసినా కొందరు వందేళ్లు ఎలా బతుకుతారు? ఆయుష్షు వెనకున్న అసలు రహస్యాన్ని విప్పిన సైంటిస్టులు

Genetics and longevity | త్రినేత్ర.న్యూస్ : రోజూ కఠినమైన డైట్ (Diet) ఫాలో అవుతూ.. జిమ్‌లో గంటల తరబడి ఎక్సర్‌సైజ్ చేసే వాళ్లు సడెన్‌గా ప్రాణాలు కోల్పోతుంటారు. కానీ, జీవితాంతం మందు, సిగరెట్ (Smoking and drinking) లాంటి అలవాట్లు ఉన్న కొందరు మాత్రం ఎలాంటి పెద్ద రోగాలు లేకుండా 100 ఏళ్లు బతికేస్తుంటారు. ఇది ఎలా సాధ్యం? మనిషి ఆయుష్షును (Lifespan) నిర్ణయించేది మన లైఫ్‌స్టైలా? లేక మన జీన్సా? ఈ ప్రశ్నకు స్వీడన్, అమెరికా సహా పలు దేశాలకు చెందిన పరిశోధకులు ఒక తాజా అధ్యయనంలో షాకింగ్ ఆన్సర్ ఇచ్చారు. 'సైన్స్' (Science) జర్నల్‌లో ప్రచురితమైన ఈ స్టడీ ప్రకారం.. మన ఆయుష్షు రహస్యం మన జీన్స్ (జన్యువులు)లోనే దాగి ఉంది.

ఆయుష్షును నిర్ణయించేది 55% జీన్సే

ఇప్పటివరకు మన ఆరోగ్యం, ఆయుష్షు అనేది మనం తినే తిండి, వ్యాయామంపైనే ఎక్కువగా ఆధారపడి ఉంటుందని అంతా నమ్మేవారు. కానీ, యాక్సిడెంట్లు, ఇన్ఫెక్షన్లు వంటి బాహ్య కారణాలను పక్కనబెడితే.. మనిషి ఆయుష్షును డిసైడ్ చేయడంలో 55 శాతం పాత్ర జన్యువులదే (Genetics) అని ఈ కొత్త అధ్యయనం స్పష్టం చేసింది. గతంలో ఇది 10-25 శాతం మాత్రమే ఉంటుందని సైంటిస్టులు భావించగా ఇప్పుడు ఆ అంచనాలు పూర్తిగా మారిపోయాయి.

మందు, సిగరెట్ తాగినా ఎలా బతుకుతారు?

"కొందరు జీవితాంతం స్మోకింగ్, డ్రింకింగ్ చేసినా 110 ఏళ్ల పాటు ఎలా బతుకుతున్నారో అర్థం చేసుకుంటే.. భవిష్యత్తులో మనిషి ఆయుష్షు పెంచే మందులు (Medicines) కనిపెట్టొచ్చు" అని ఇజ్రాయెల్‌లోని వైజ్‌మన్ ఇన్‌స్టిట్యూట్ ఆఫ్ సైన్స్‌కు చెందిన బయోఫిజిసిస్ట్ బెన్ షెన్హర్ తెలిపారు. అసలు మీరు 100 ఏళ్లు బతుకుతారో లేదో తెలుసుకోవాలంటే.. ముందుగా మీ ఫ్యామిలీ హిస్టరీని (Family history) చెక్ చేసుకోవాలని బోస్టన్ యూనివర్సిటీకి చెందిన జెరియాట్రిషియన్ డాక్టర్ థామస్ పెర్ల్స్ వివరించారు. తాతముత్తాతలు ఎక్కువ కాలం జీవించి ఉంటే.. ఆ వారసత్వం మీకు కూడా వచ్చే చాన్స్ ఉంటుంది.

రీసెర్చ్ ఎలా చేశారు?

ఈ కచ్చితమైన అంచనాకు రావడానికి పరిశోధకులు స్వీడన్‌కు చెందిన కవలల (Twins) డేటాను విశ్లేషించారు. అలాగే 100 ఏళ్లు దాటిన 444 మంది అమెరికన్లు, వారి తోబుట్టువుల డేటాను కూడా పరిశీలించారు. వయసు పెరగడం (Ageing) అనేది ప్రధానంగా వంశపారంపర్యంగా వస్తుందని.. కేవలం డైటింగ్, హెల్తీ హాబిట్స్ వల్లే ఆయుష్షు పెరుగుతుందనే పాత నమ్మకాలను ఈ రీసెర్చ్ తోసిపుచ్చింది.

ఇండియన్ ఎక్స్‌పర్ట్స్ ఏమంటున్నారు?

జన్యువులు మనిషి వయసును నిర్దేశిస్తాయన్న మాట వాస్తవమే అయినా.. భారత్‌లో పరిస్థితులు కాస్త భిన్నంగా ఉన్నాయని ఫోర్టిస్ సి-డాక్ చైర్మన్ డాక్టర్ అనూప్ మిశ్రా హెచ్చరించారు. "మన దేశంలో గాలి కాలుష్యం (Air pollution), పోషకాహార లోపం, డయాబెటిస్ (Diabetes), ఒబెసిటీ లాంటి సమస్యలు అధికం. ఇవి జన్యుపరంగా మనకు లభించిన అడ్వాంటేజ్‌ను దెబ్బతీసి.. శరీరంలో వయసును వేగంగా పెంచేస్తాయి" అని ఆయన తెలిపారు.

మనం ఎంతకాలం జీవించగలం అనేదానికి జన్యువులు ఒక 'అప్పర్ లిమిట్' ఇస్తే.. మన పర్యావరణం, లైఫ్‌స్టైల్ ఆ లిమిట్‌ను మనం చేరుకోగలమా లేదా అన్నది డిసైడ్ చేస్తాయని మ్యాక్స్ హెల్త్‌కేర్ నిపుణులు డాక్టర్ అంబరీష్ మిట్టల్ వివరించారు. ఎందుకంటే, బయటి వాతావరణం నేరుగా DNAను మార్చకపోయినా.. అందులోని జన్యువులను ప్రభావితం చేస్తుందని ఆయన స్పష్టం చేశారు.