Qantas Flight | సిబ్బందిని కొరికిన ప్ర‌యాణికుడు.. దారిమ‌ళ్లిన విమానం..

Qantas Flight | త్రినేత్ర‌.న్యూస్‌: ఓ ప్ర‌యాణికుడి వింత ప్ర‌వ‌ర్త‌న‌తో అమెరికా వెళ్లాల్సిన విమానాన్ని (Qantas Flight) సిబ్బంది దారి మ‌ళ్లించారు. అత‌నిపై విమానంలో ప్ర‌యాణించ‌కుండా నిషేధం విధించారు.

క్వాంట‌స్‌కు చెందిన విమానం ఆస్ట్రేలియాలోని (Australia) మెల్‌బోర్న్ నుంచి అమెరికాలోని డాల‌స్‌కు వెళ్తున్న‌ది. మార్గ‌మ‌ధ్య‌లో ఓ ప్ర‌యాణికుడు విమాన సిబ్బందిపై (flight attendant) దాడిచేశాడు. అంత‌టితో ఆగ‌కుండా సిబ్బంది చేయి కొరికాడు. అనుకోని ఘ‌ట‌న‌తో విసిగిపోయిన‌ తోటి ప్ర‌యాణికులు అత‌డిని బంధించారు. ఈ క్ర‌మంలో వినాన్ని ఫ్రాన్స్‌లోని పాలినేషియా రాజ‌ధాని అయిన పాపిటీలో ఆపివేశారు. అనంత‌రం నిందితుడిని అధికారులు అదుపులోకి తీసుకున్నారు. అత‌డు మ‌రోసారి క్వాంటాస్ విమానాల్లో ప్ర‌యాణించ‌కుండా నిషేధం విధించారు.

ఈ ఘ‌ట‌న‌పై క్వాంట‌స్ విమాన‌యాన సంస్థ స్పందిస్తూ.. త‌మ‌ ప్రయాణికులు, సిబ్బంది భద్రతే త‌మ‌కు తొలి ప్రాధాన్యత అని తెలిపింది. త‌మ‌ విమానాలలో గొడవ చేసే లేదా బెదిరించే ప్రవర్తనను తాము ఏమాత్రం సహించమ‌ని స్ప‌ష్టం చేసింది.