US F-35 | రెండో ఎఫ్-35ను కూల్చివేశాం : ఇరాన్

US F-35 | మ‌ధ్య‌ప్రాచ్యంలో యుద్ధం కొన‌సాగుతోంది. ఇరాన్ (Iran)పై అమెరికా, ఇజ్రాయెల్ భీకర దాడుల‌ను కొన‌సాగిస్తున్నాయి. టెహ్రాన్ సైతం శ‌త్రు దాడుల‌ను ధీటుగా ఎదుర్కొంటోంది. ఈ నేప‌థ్యంలోనే అమెరికాకు చెందిన రెండో ఎఫ్-35 స్టెల్త్ ఫైటర్ జెట్‌ను (US F-35) కూల్చివేసినట్లు ఇరాన్ తాజాగా ప్రకటించింది. కూలిన వెంట‌నే విమానం పేలిపోయిన‌ట్లు తెలిపింది. ఈ ఘ‌ట‌న‌లో పైల‌ట్ బ‌తికే అవ‌కాశం లేద‌ని పేర్కొంది. కాగా, ఎఫ్‌-35 కూలిన ఫొటోను ఇరాన్ మీడియా విడుద‌ల చేసింది. అయితే, ఆ ఫొటోల‌పై ప‌లు అనుమానాలు వ్య‌క్త‌మ‌వుతున్నాయి. అవి ఎఫ్‌-35 శ‌క‌లాలు కాద‌ని, ఎఫ్‌-15 ఫైట‌ర్ జెట్‌కు చెందిన‌వ‌ని ఏరోస్పేస్ నిపుణులు అనుమానం వ్య‌క్తం చేస్తున్నారు. మ‌రోవైపు ఈ దాడిపై అమెరికా ఇప్ప‌టి వ‌ర‌కూ ఎలాంటి ప్ర‌క‌ట‌నా చేయ‌లేదు.

కాగా, ప్రపంచంలోనే అత్యాధునిక ఫైటర్ జెట్‌గా పేరుపొందిన అమెరికా ఎఫ్-35 లైట్నింగ్-2 యుద్ధ విమానం (F-35 Fighter Jet) గ‌త నెల‌ ఎమర్జెన్సీ లాండింగ్ (Emergency Landing) కలకలం సృష్టించిన విష‌యం తెలిసిందే. ఇరాన్‌పై సైనిక చర్యల్లో పాలుపంచుకున్న ఆ యుద్ధ‌ విమానం అకస్మాత్తుగా వెనుదిరిగి సమీపంలోని అమెరికా సైనిక స్థావరంలో అత్యవసరంగా దిగిపోయింది. ఈ విషయాన్ని అమెరికా సెంట్రల్ కమాండ్ (US Central Command) కూడా ధ్రువీకరించింది. ఎఫ్-35 విమానం సురక్షితంగా లాండ్ అయ్యిందని, పైలట్ సేఫ్‌గా ఉన్నారని వెల్ల‌డించింది. అయితే, ఆ విమానంపై తామే దాడి చేసిన‌ట్లు ఇరాన్ అప్ప‌ట్లో ప్ర‌క‌టించింది. యూఎస్‌ ఎఫ్‌-35 యుద్ధ విమానంపై తాము దాడి చేశామ‌ని ఇరాన్‌కు చెందిన ఇస్లామిక్ రెవ‌ల్యూష‌న‌రీ గార్డ్ కార్ప్స్ (IRGC) ప్ర‌క‌టించింది. కానీ ఐఈఆర్‌జీసీ ప్ర‌క‌ట‌న‌ను అమెరికా ఖండించింది. కేవ‌లం ఎమ‌ర్జెన్సీ ల్యాండ్ అయ్యింద‌ని తెలిపింది.

Also Read..

ఆల‌య ఉత్స‌వం.. ఐదు గంట‌ల‌పాటూ విమాన రాక‌పోక‌లు నిలిపివేత‌

విమానాల్లో 60 శాతం ఉచిత సీట్ల ఉత్తర్వుల‌ను నిలిపివేసిన కేంద్రం

మౌన‌మే.. కానీ, ఓట‌మి కాదు.. ఆప్‌ను ఉద్దేశించి రాఘ‌వ్ చ‌ద్ధా ఆస‌క్తిక‌ర వీడియో