Attack On Iran Nuclear Facilities | సంచలనం రేపుతున్న ఇరాన్ ఆరోపణలు.. అణు కేంద్రాలపై అమెరికా-ఇజ్రాయెల్ దాడులు! అసలు నిజమేంటి?

Attack On Iran Nuclear Facilities | త్రినేత్ర.న్యూస్ : అమెరికా, ఇజ్రాయెల్ దేశాలు కలిసి తమ దేశంలోని కీలకమైన అణు కేంద్రాలపై (Nuclear Facilities) దాడులు చేశాయని ఇరాన్ సంచలన ఆరోపణలు చేసింది. అంతర్జాతీయ అణు శక్తి సంస్థ (IAEA)కు చెందిన ఇరాన్ రాయబారి ఆదివారం జరిగిన దాడులను ఉద్దేశించి ఈ మేరకు కీలక వ్యాఖ్యలు చేశారు. ప్రస్తుతం పశ్చిమాసియాలో ఉద్రిక్త పరిస్థితులు నెలకొన్న నేపథ్యంలో ఇరాన్ చేసిన ఈ ఆరోపణలు అంతర్జాతీయ స్థాయిలో తీవ్ర చర్చనీయాంశంగా మారాయి.

అయితే, ఈ వ్యవహారంపై ఐక్యరాజ్యసమితికి చెందిన అణు నిఘా సంస్థ (UN nuclear watchdog) తక్షణమే స్పందించింది. ఇరాన్ అణు స్థావరాలకు ఎలాంటి నష్టం జరిగినట్లు తమ వద్ద ఆధారాలు లేవని స్పష్టం చేసింది. సోమవారం జరిగిన 35 మంది సభ్యుల బోర్డ్ ఆఫ్ గవర్నర్స్ (Board of Governors) సమావేశంలో IAEA డైరెక్టర్ జనరల్ రాఫెల్ గ్రాస్సీ ఈ విషయమై పూర్తి క్లారిటీ ఇచ్చారు.

సమావేశంలో ఆయన మాట్లాడుతూ.. "ఇరాన్ లోని ఏ ఒక్క అణు కేంద్రం కూడా దాడులకు గురైనట్లు లేదా దెబ్బతిన్నట్లు మా వద్ద ఎలాంటి ఆధారాలు, సమాచారం లేదు" అని కుండబద్దలు కొట్టారు.

నిపుణులు ఏమంటున్నారంటే..

ఒకవేళ అణు కేంద్రాలపై నిజంగానే దాడులు జరిగితే, అది పెను వినాశనానికి దారి తీసే అవకాశం ఉంటుంది. ఆ రేడియేషన్ ప్రభావం చుట్టుపక్కల దేశాలపై కూడా తీవ్రంగా ఉంటుంది. ఇరాన్ చేసిన తాజా ఆరోపణలతో ప్రపంచ దేశాలు ఒక్కసారిగా ఉలిక్కిపడ్డాయి. కానీ, IAEA ప్రకటనతో ప్రస్తుతానికి ఆ ప్రమాదం ఏమీ లేదని స్పష్టమవుతోంది. అయితే, భవిష్యత్తులో ఈ పరిణామాలు ఎటు దారి తీస్తాయోనన్న ఆందోళన మాత్రం సర్వత్రా వ్యక్తమవుతోంది.