Heavy Rains | మండ‌పాల్లో వినాయ‌కులు జాగ్ర‌త్త‌.. ఎందుకంటే..?

Heavy Rains | త్రినేత్ర‌.న్యూస్ : రాష్ట్ర వ్యాప్తంగా వినాయ‌క చ‌వితి సంద‌డి నెల‌కొంది. వీధుల్లో, కాల‌నీల్లో గ‌ణేశ్ మండ‌పాలు కొలువుదీరుతున్నాయి. అయితే ఈ వినాయ‌క చ‌వితికి భారీ వ‌ర్షం ముప్పు పొంచి ఉంది. ఈ క్ర‌మంలో మండ‌పాల్లోని గ‌ణ‌నాథుల‌ను వ‌ర్షానికి త‌డ‌వ‌కుండా జాగ్ర‌త్త‌లు తీసుకోవాలి. ప్ర‌స్తుతానికి వాన‌లేం లేవు.. ఇక ముందు ఏం వ‌ర్షాలు వ‌స్తాయిలే అనుకుంటే పొర‌పాటే. ఎందుకంటే సెప్టెంబ‌ర్ 13 నుంచి 17వ తేదీ వ‌ర‌కు తెలంగాణ వ్యాప్తంగా భారీ వ‌ర్షాలు కురిసే అవ‌కాశం ఉంద‌ని తెలంగాణ వెద‌ర్ మ్యాన్ బాలాజీ హెచ్చ‌రించారు.

బ‌ల‌హీనమైన అల్ప‌పీడ‌నంతో పాటు తూర్పు-పడమర దిశగా విస్తరించి ఒకే చోట స్థిరపడే 'షియర్ జోన్' (shear zone) ప్రభావంతో, సెప్టెంబర్ 13 నుండి 17 వ‌ర‌కు భారీ వ‌ర్షాలు కురుస్తాయ‌ని హెచ్చ‌రించారు. ఈ ప్ర‌భావం నేరుగా తెలంగాణ రాష్ట్రంపైనే పడుతుండ‌డంతో.. రాష్ట్ర వ్యాప్తంగా విస్తారంగా వ‌ర్షాలు కురిసే అవ‌కాశం ఉంద‌న్నారు. ఈ స‌మ‌యంలో రాజ‌ధాని హైద‌రాబాద్ న‌గ‌రంలో బ‌ల‌మైన ఉరుములు, మెరుపుల‌తో పాటు వ‌ర్షాలు దంచికొట్టే అవ‌కాశం ఉంద‌ని తెలిపారు. అయితే వాతావ‌ర‌ణ ప‌రిస్థితుల్లో మార్పులు ఏర్ప‌డి సెప్టెంబ‌ర్ 10 లేదా 11 నుంచి వ‌ర్షాలు కురిసే అవ‌కాశం ఉంద‌ని బాలాజీ పేర్కొన్నారు.