Manjeera | మంజీరా పైప్‌లైన్‌లో భారీ లీకేజీ.. హైద‌రాబాద్‌లో నీటి స‌ర‌ఫ‌రా బంద్

Manjeera | త్రినేత్ర‌.న్యూస్ : హైద‌రాబాద్ న‌గ‌రానికి తాగు నీరు అందించే మంజీరా పైపులైన్‌( Manjeera Pipeline )కు భారీ లీకేజీ ఏర్ప‌డింది. రుద్రారం గ్రామం( Rudraram Village ) వ‌ద్ద మంజీరా ఫేజ్-2 ప‌రిధిలోని పైపులైన్‌కు భారీ రంధ్రం ఏర్ప‌డడంతో హైద‌రాబాద్ న‌గ‌రంలోని ప‌లు ప్రాంతాల‌కు తాగు నీటి స‌ర‌ఫ‌రా( Drinking Water Supply ) బంద్ అయింది.

మంజీరా పైపులైన్‌కు మ‌ర‌మ్మ‌తులు చేప‌ట్టిన‌ట్టు జ‌ల‌మండ‌లి పేర్కొంది. వీలైనంత త్వ‌ర‌గా ప‌నులు పూర్తి చేసి తాగునీటి పున‌రుద్ద‌ర‌ణ కొన‌సాగిస్తామ‌ని అధికారులు పేర్కొన్నారు. ఆలోపు ఆయా ప్రాంతాల‌కు ట్యాంక‌ర్ల‌తో నీటిని స‌ర‌ఫ‌రా చేయాల‌ని అధికారులు ఆదేశించారు. నీటి స‌ర‌ఫ‌రాకు ఆటంకం క‌లిగిన ప్రాంతాల్లో నీటిని జాగ్ర‌త్త‌గా వాడుకోవాల‌ని సూచించారు.

నీటి స‌ర‌ఫ‌రా నిలిచిన ప్రాంతాలివే..

రామ‌చంద్రాపురం, అశోక్ న‌గ‌ర్, జ్యోతి న‌గ‌ర్, లింగంప‌ల్లి, చందాన‌గ‌ర్, గంగారం, మ‌దీనాగూడ‌, మియాపూర్, బీరంగూడ‌, అమీన్‌పూర్, భాగ్య‌న‌గ‌ర్ కాల‌నీ, ఎర్ర‌గ‌డ్డ‌, ఎస్సార్ న‌గ‌ర్, అమీర్‌పేట‌, కేపీహెచ్‌బీ కాల‌నీ, కూక‌ట్‌ప‌ల్లి, ప్ర‌గ‌తి న‌గ‌ర్ ఏరియాల్లో నీటి స‌ర‌ఫ‌రాకు ఆటంకం ఏర్ప‌డింది.