Social Media | బోగ‌స్ అకౌంట్ క్రియేట్ చేసి.. నటిపై అసభ్య పోస్టులు.. యాక్ట‌ర్‌ అరెస్టు

Social Media | త్రినేత్ర‌.న్యూస్‌: సోషల్‌ మీడియాలో (Social Media) బోగస్‌ అకౌంట్‌ క్రియేట్‌ చేసి ప్రముఖ నటిపై అసభ్య పదజాలంతో కామెంట్‌ పెట్టిన నటుడిని పోలీసులు అరెస్టు చేశారు. వరంగల్‌కు చెందిన సినీ నటుడు రుషిత్ రీల్‌ మాయ–1 పేరుతో ఓ బోగస్‌ అకౌంట్‌ను క్రియేట్ చేశాడు. ఎక్స్, ఫేస్‌బుక్, ఇన్‌స్టా గ్రామ్‌లలో ఓ నటి మీద అసభ్య పదజాలంతో కామెంట్లు పెట్టాడు.

ఆమెకు ఓ దర్శకుడితో అక్ర‌మ సంబంధం ఉందంటూ ఫేక్‌ ప్రచారం చేశాడు. దీంతో బాధితురాలు పోలీసులకు ఫిర్యాదు చేసింది. రంగంలోకి దిగిన బంజారాహిల్స్‌ క్రైమ్‌ పోలీసులు రుషిత్‌ బోగస్‌ అకౌంట్లపై దర్యాప్తు చేప‌ట్టారు. సోషల్‌ మీడియా సంస్థలకు లేఖలు రాయ‌డంతో అస‌లు విష‌యం బ‌య‌ట‌ప‌డింది. అమీర్‌పేటలోని ఓ హాస్టల్‌లో ఉంటూ సినిమాల్లో చిన్న‌చిన్న వేషాలు వేసుకునే రుషిత్‌ను బంజారాహిల్స్‌ పోలీసులు అరెస్టు చేశారు.