Trisha | ఓటీటీలో త్రిష మూవీ ట్రెండింగ్ – నేష‌న‌ల్ వైడ్‌గా నంబ‌ర్ వ‌న్‌

Trisha | సూర్య‌, త్రిష హీరోహీరోయిన్లుగా న‌టించిన క‌రుప్పు మూవీ థియేట‌ర్ల‌లోనే కాకుండా ఓటీటీలోనూ అద‌ర‌గొడుతోంది. ఫాంట‌సీ యాక్ష‌న్‌గా రూపొందిన ఈ మూవీ ఇటీవ‌లే అమెజాన్ ప్రైమ్ వీడియోలో రిలీజైంది. ప్ర‌స్తుతం ఈ ఓటీటీ ప్లాట్‌ఫామ్‌లో నేష‌న‌ల్ వైడ్ టాప్ ట్రెండింగ్ మూవీస్ లిస్ట్‌లో నంబ‌ర్ వ‌న్ ప్లేస్‌లో క‌రుప్పు నిలిచింది. ఈ వీక్ అమెజాన్ ప్రైమ్‌లో హ‌య్యెస్ట్ వ్యూస్ వ‌చ్చిన సినిమాగా రికార్డ్ క్రియేట్ చేసింది. ఓటీటీలోనూ క‌రుప్పు సూప‌ర్‌హిట్‌గా నిల‌వ‌డంతో మేక‌ర్స్ ఫుల్ ఖుషీ అవుతోన్నారు.

350 కోట్ల క‌లెక్ష‌న్స్‌...

క‌రుప్పు మూవీకి ఆర్‌జే బాలాజీ ద‌ర్శ‌క‌త్వం వ‌హిస్తూనే ఈ సినిమాలో విల‌న్‌గా న‌టించాడు. ఇంద్రాన్స్‌, న‌ట్టీ సుబ్ర‌మ‌ణియ‌న్‌, శిశ్విత కీల‌క పాత్ర‌ల్లో క‌నిపించారు. 140 కోట్ల బ‌డ్జెట్‌తో రూపొందిన ఈ మూవీ థియేట‌ర్ల‌లో 350 కోట్ల వ‌ర‌కు వ‌సూళ్ల‌ను రాబ‌ట్టింది. ఈ ఏడాది హ‌య్యెస్ట్ క‌లెక్ష‌న్స్ సాధించిన త‌మిళ సినిమాగా క‌రుప్పు నిలిచింది.

నెగెటివ్ కామెంట్స్‌...

క‌రుప్పుతో దాదాపు ప‌దేళ్ల త‌ర్వాత బిగ్గెస్ట్ స‌క్సెస్‌ను అందుకున్నారు సూర్య‌. ఈ సినిమాలో సూర్య, త్రిష యాక్టింగ్‌, మాస్ ఎలిమెంట్స్ తో పాటు సాయి అభ్యంక‌ర్ మ్యూజిక్‌ అభిమానుల‌ను ఆక‌ట్టుకున్నాయి. స్టోరీ మాత్రం రొటీన్ అంటూ నెగెటివ్ కామెంట్స్ కూడా వ‌చ్చాయి.

తెలుగులోకి డ‌బ్‌...

క‌రుప్పు మూవీ వీర‌భ‌ద్రుడు పేరుతో తెలుగులోకి డ‌బ్ అయ్యింది.ఈ డ‌బ్బింగ్ వెర్ష‌న్ కూడా నిర్మాత‌ల‌కు లాభాల‌ను తెచ్చిపెట్టింది. క‌రుప్పు మూవీకి సీక్వెల్ రానున్న‌ట్లు ప్ర‌చారం జ‌రుగుతోంది.

వీర‌భ‌ద్రుడి న్యాయం...

మీను (శిశ్విత‌) అరుదైన వ్యాధితో బాధ‌ప‌డుతుంది. త‌న ద‌గ్గ‌ర ఉన్న బంగారాన్ని అమ్మి కూతురి ప్రాణాలు కాపాడుకోవాల‌ని మీను తండ్రి అనుకుంటాడు. కానీ ఆ బంగారాన్ని మీను ద‌గ్గ‌ర నుంచి దొంగ‌లు ఎత్తుకెళ‌తారు. పోలీసులు ఆ దొంగ‌ల‌ను ప‌ట్టుకుంటారు. కోర్టులో ఉన్న బంగారం మీనుతో పాటు ఆమె తండ్రికి ద‌క్క‌కుండా చేయాల‌ని లాయ‌ర్ బేబీ కృష్ణ (ఆర్‌జే బాలాజీ) కుట్ర‌లు ప‌న్నుతాడు. వారికి వీర‌భ‌ద్ర స్వామి (సూర్య‌) ఎలా సాయం చేశాడు? ఈ పోరాటంలో అత‌డికి అండ‌గా నిలిచిన లాయ‌ర్ ప్రీతి (త్రిష‌) ఎవ‌రు అన్న‌దే ఈ మూవీ క‌థ‌.