MTV Splitsvilla X6 Telugu | జియోహాట్‌స్టార్‌లో ‘ఎమ్‌టీవీ స్ప్లిట్స్‌విల్లా X6’ హంగామా.. ప్రేమ గెలుస్తుందా? పైసా గెలుస్తుందా?

MTV Splitsvilla X6 Telugu | త్రినేత్ర.న్యూస్ : ఇండియాలో యూత్‌కు పిచ్చెక్కించే బిగ్గెస్ట్ డేటింగ్ రియాలిటీ షో 'ఎమ్‌టీవీ స్ప్లిట్స్‌విల్లా' (MTV Splitsvilla). బోల్డ్ అండ్ స్పైసీ కంటెంట్‌తో దూసుకెళ్లే ఈ షో ఇప్పుడు 16వ సీజన్‌లోకి అడుగుపెట్టింది. మరింత ఇంట్రెస్టింగ్ ట్విస్టులతో 'ఎమ్‌టీవీ స్ప్లిట్స్‌విల్లా X6: ప్యార్ యా పైసా' పేరుతో మే 12 నుంచి తెలుగు ప్రేక్షకులను అలరించేందుకు ఎమ్‌టీవీ ఛానల్, జియోహాట్‌స్టార్ (JioHotstar)లో గ్రాండ్‌గా స్ట్రీమింగ్ మొదలైంది. ఈ షో హిస్టరీలో తెలుగులో డబ్ అయి రావడం ఇదే తొలిసారి కావడం విశేషం.

సరికొత్త ట్విస్ట్.. 'ప్యార్ విల్లా' వర్సెస్ 'పైసా విల్లా'

ఈ సీజన్ షూటింగ్ తమిళనాడులోని అందమైన మహాబలిపురం బీచ్ లొకేషన్స్‌లో జరిగింది. మొత్తం 33 మంది హాట్ అండ్ సింగిల్ కంటెస్టెంట్స్ ఈసారి తమ అదృష్టాన్ని పరీక్షించుకుంటున్నారు. గత సీజన్ ముగింపులో దిగ్విజయ్, కాశిష్ తీసుకున్న షాకింగ్ నిర్ణయాల ఆధారంగా.. ఈ కొత్త సీజన్‌ను 'ప్యార్ విల్లా' (లవ్), 'పైసా విల్లా' (మనీ) అనే రెండు ఆసక్తికరమైన విభాగాలుగా మార్చారు. నిజమైన ప్రేమ కావాలా? లేక డబ్బు కావాలా? అనే కన్‌ఫ్యూజన్ మధ్య కంటెస్టెంట్స్ గేమ్ ఎలా ఆడతారన్నది ఈ సీజన్ అసలు హైలైట్.

హోస్ట్‌లుగా సన్నీ, కరణ్.. మిస్చిఫ్ మేకర్స్‌గా ఉర్ఫీ, నియా

ఈ భారీ షోకు ఎప్పటిలాగే బ్యూటిఫుల్ 'క్వీన్ ఆఫ్ హార్ట్స్' సన్నీ లియోన్ (Sunny Leone) మెయిన్ హోస్ట్‌గా వ్యవహరిస్తున్నారు. ఆమెతో పాటు 'కింగ్ ఆఫ్ హార్ట్స్' కరణ్ కుంద్రా (Karan Kundrra) కో-హోస్ట్‌గా జాయిన్ అయ్యి షోలో అదిరిపోయే ఎనర్జీని తీసుకొచ్చారు. ఇక వీరికి తోడుగా షోలో డ్రామా, రొమాన్స్, ఎంటర్‌టైన్‌మెంట్ డోస్ పెంచడానికి ఫేమస్ సెలబ్రిటీలు నియా శర్మ (Nia Sharma), ఉర్ఫీ జావెద్ (Uorfi Javed) 'మిస్చిఫ్ మేకర్స్'గా (Mischief Makers) ఎంట్రీ ఇవ్వడం యూత్‌ను మరింత అట్రాక్ట్ చేస్తోంది.

ఎమోషన్స్‌కు పెద్ద పరీక్ష: సన్నీ లియోన్

ఈ కొత్త సీజన్ గ్రాండ్ లాంచ్ సందర్భంగా సన్నీ లియోన్ మాట్లాడుతూ.. స్ప్లిట్స్‌విల్లా తన మనసుకు చాలా దగ్గరైన షో అని, ఈ షోతో పదేళ్ల సుదీర్ఘ ప్రయాణం ఉందని గుర్తుచేసుకున్నారు.

"నేటి యువతలో ప్రేమ, బంధాలు ఎలా మారుతున్నాయో ఈ షో చూపిస్తుంది. ఈ సీజన్‌లోని 'ప్యార్ యా పైసా' (ప్రేమ లేదా డబ్బు) ట్విస్ట్ కంటెస్టెంట్ల ఎమోషన్స్‌కు ఒక పెద్ద టెస్ట్ లాంటిది. ఊహించని సర్ప్రైజ్‌లు, క్రేజీ డ్రామా కోసం ఫ్యాన్స్ రెడీగా ఉండండి." అని ఆమె అన్నారు.

మరి ప్రేమ, డబ్బు మధ్య జరిగే ఈ ఆసక్తికరమైన పోరాటంలో గెలుపెవరిదో తెలియాలంటే.. ప్రతి శుక్ర, శని, ఆదివారాల్లో రాత్రి 7 గంటలకు జియోహాట్‌స్టార్‌లో ఎపిసోడ్స్ చూసేయండి!