Lokesh Kanagaraj | లోకేష్ క‌న‌గ‌రాజ్ లేడీ ఓరియెంటెడ్ మూవీ – హీరోయిన్ ఎవ‌రంటే?

Lokesh Kanagaraj |  ఖైదీ, విక్ర‌మ్‌, లియో బ్లాక్ల్‌బ‌స్ట‌ర్స్‌తో కోలీవుడ్‌లో టాప్ డైరెక్ట‌ర్‌గా మారిపోయాడు లోకేష్ క‌న‌గ‌రాజ్‌. లోకేష్ సినిమాటిక్ యూనివ‌ర్స్‌లో భాగంగా రూపొందిన ఈ సినిమాల‌న్నీ బాక్సాఫీస్ రికార్డుల‌ను తిర‌గ‌రాశాయి. లోకేష్ క‌న‌గ‌రాజ్ డైరెక్ట‌ర్‌గా త్వ‌ర‌లో టాలీవుడ్‌లోకి ఎంట్రీ ఇవ్వ‌బోతున్నాడు. అల్లు అర్జున్‌తో ఓ పాన్ ఇండియ‌న్ మూవీ చేస్తోన్నాడు. ప్ర‌స్తుతం అల్లు అర్జున్ మూవీ స్క్రిప్ట్ ప‌నుల‌తో ఈ డైరెక్ట‌ర్‌ ఫుల్ బిజీగా ఉన్నాడు. బ‌న్నీ మూవీ కంటే ముందే లోకేష్ క‌న‌గ‌రాజ్ తెలుగులో మ‌రో సినిమా చేయ‌బోతున్నాడ‌ట‌. అయితే ఈ సినిమాకు డైరెక్ట‌ర్‌గా కాకుండా కేవ‌లం ప్రొడ్యూస‌ర్‌గా మాత్ర‌మే వ్య‌వ‌హ‌రించ‌నున్నాడ‌ట‌.

మైత్రీ మూవీ మేక‌ర్స్‌...

మైత్రీ మూవీ మేక‌ర్స్‌తో క‌లిసి త‌న నిర్మాణ సంస్థ జీ స్క్వాడ్ బ్యాన‌ర్‌లో లోకేష్ క‌న‌గ‌రాజ్ ఓ లేడీ ఓరియెంటెడ్ మూవీ నిర్మించ‌బోతున్నాడ‌ట‌. తెలుగు, త‌మిళ భాష‌ల్లో బైలింగ్వ‌ల్‌గా తెర‌కెక్కుతోన్న ఈ సినిమాలో రెజీనా హీరోయిన్‌గా న‌టించ‌నున్న‌ట్లు స‌మాచారం. ఆమెతో పాటు టాలీవుడ్‌, కోలీవుడ్‌కు చెందిన ప‌లువురు యాక్ట‌ర్లు ఈ ఇందులో కీల‌క పాత్ర‌ల్లో క‌నిపించ‌నున్నార‌ట‌. ఈ లేడీ ఓరియెంటెడ్ మూవీకి విశాల్ వెంక‌ట్ ద‌ర్శ‌క‌త్వం వ‌హించ‌నున్నాడ‌ట‌. గ‌తంలో డైరెక్ట‌ర్‌గా బాంబ్‌, సిలా నెరంగ‌లి సిలా మ‌ణిత‌ర‌గ‌ల్ అనే సినిమాలు చేశాడు విశాల్ వెంక‌ట్‌. ద‌ర్శ‌కుడిగా ఇది అత‌డి మూడో మూవీ. ఈ ఫిమేల్ సెంట్రిక్ మూవీకి లోకేష్ క‌న‌గ‌రాజ్ క‌థ‌ను అందించ‌డ‌మే కాకుండా ఇందులో ఓ గెస్ట్ రోల్‌లో కూడా క‌నిపించే అవ‌కాశం ఉంద‌ని అంటున్నారు.

హీరోగా ఎంట్రీ...

మ‌రోవైపు త్వ‌ర‌లోనే హీరోగా కూడా లోకేష్ ఎంట్రీ ఇవ్వ‌బోతున్నాడు. డీసీ పేరుతో త‌మిళంలో ఓ సినిమా చేశాడు. గ్యాంగ్‌స్ట‌ర్ యాక్ష‌న్‌గా రూపొందిన ఈ మూవీలో వామికా గ‌బ్బి హీరోయిన్‌గా న‌టించింది. స‌న్ పిక్చ‌ర్స్ నిర్మిస్తున్న ఈ సినిమాకు అరుణ్ మాథేశ్వ‌ర‌న్ ద‌ర్శ‌క‌త్వం వ‌హించాడు.