Mehar Ramesh | డైరెక్ట‌ర్ మెహ‌ర్ ర‌మేష్ కూతురు ఎంగేజ్‌మెంట్ – వేడుక‌కు హాజ‌రైన కేటీఆర్‌, చిరంజీవి

Mehar Ramesh |  టాలీవుడ్ డైరెక్ట‌ర్ మెహ‌ర్ ర‌మేష్ ఇంట త్వ‌ర‌లో పెళ్లి బాజాలు మోగ‌నున్నాయి. మెహ‌ర్ ర‌మేష్ కుమార్తె మోహ‌న పెళ్లి పీట‌లు ఎక్క‌బోతుంది. మాజీ ఐఏఎస్ అధికారి తోట‌ చంద్ర‌శేఖ‌ర్ కుమారుడు ఆదిత్య శేఖ‌ర్‌తో మోహ‌న త్వ‌ర‌లో ఏడ‌డుగులు వేయ‌బోతుంది. ఈ జంట వివాహ నిశ్చితార్థ‌ వేడుకలు ఆదివారం హైద‌రాబాద్‌లో జ‌రిగాయి. ఇందుకు సంబంధించిన ఫొటోలు సోష‌ల్ మీడియాలో చ‌క్క‌ర్లు కొడుతోన్నాయి.
ఈ నిశ్చితార్థ‌ వేడుక‌లో మాజీ మంత్రులు కేటీఆర్‌, మ‌ల్లారెడ్డితో పాటు మెగాస్టార్ చిరంజీవి, మ‌హేష్ బాబు స‌తీమ‌ణి న‌మ్ర‌తా శిరోద్క‌ర్ స‌హా ప‌లువురు రాజ‌కీయ, సినీ ప్ర‌ముఖులు పాల్గొన్నారు.

చిరంజీవి మేన‌ల్లుడిగా ...

చిరంజీవి మేన‌ల్లుడిగా టాలీవుడ్‌లోకి ఎంట్రీ ఇచ్చారు మెహ‌ర్ ర‌మేష్‌. తెలుగులో కంత్రి, బిల్లా, శ‌క్తి, షాడో సినిమాల‌కు ద‌ర్శ‌క‌త్వం వ‌హించాడు. చివ‌ర‌గా చిరంజీవి హీరోగా న‌టించిన భోళా శంక‌ర్‌తో డైరెక్ట‌ర్‌గా తెలుగు ప్రేక్ష‌కుల‌ను ప‌ల‌క‌రించారు మెహ‌ర్ ర‌మేష్‌. స్టార్ హీరోల‌తో సినిమాలు చేసినా ద‌ర్శ‌కుడిగా మాత్రం విజ‌యాల‌ను అందుకోలేక‌పోయారు.

బీఆర్ఎస్ ఏపీ అధ్య‌కుడిగా ...

మ‌రోవైపు తోట చంద్ర‌శేఖ‌ర్‌కు కూడా మెగా ఫ్యామిలీతో స‌న్నిహిత సంబంధాలు ఉన్నాయ‌ట‌. ఐఎస్ఎస్ ఉద్యోగానికి రాజీనామా చేసిన చంద్ర‌శేఖ‌ర్ చిరంజీవి ప్ర‌జారాజ్యం పార్టీలో చేరారు. గుంటూరు లోక్‌స‌భ నుంచి పోటీ చేసి ఓడిపోయారు. 2014లో వైఎస్సార్‌సీపీ నుంచి ఏలూరు ఎంపీగా, 2019లో గుంటూరు ప‌శ్చిమ నియోజ‌క‌వ‌ర్గం నుంచి ఎమ్మెల్యేగా పోటీ చేసిన విజ‌యం సాధించ‌లేక‌పోయారు. ప్ర‌స్తుతం బీఆర్ఎస్ ఏపీ అధ్య‌కుడిగా కొన‌సాగుతోన్నారు.