Mumbai Local Train | ముంబై లోకల్ ట్రైన్ అంటే దడదడ.. ఎక్కలేక చేతులెత్తేసిన కొరియన్ టూరిస్ట్

Mumbai Local Train | త్రినేత్ర.న్యూస్ : ముంబై అనగానే అందరికీ గుర్తొచ్చేది 'లోకల్ ట్రైన్'. రోజుకు లక్షలాది మంది ప్రయాణించే ఈ లైఫ్‌లైన్‌లో జర్నీ చేయడం కొత్తవారికి ఒక సాహసమే. తాజాగా సెజిన్ (Sejin) అనే సౌత్ కొరియన్ టూరిస్ట్ ముంబై లోకల్ ట్రైన్ ఎక్కేందుకు ట్రై చేసి అడ్డంగా బుక్కయ్యాడు. థానే (Thane) స్టేషన్‌లో అతను పడ్డ కష్టాలకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతోంది.

స్టేషన్‌లో కన్ఫ్యూజన్..

ఇండియా టూర్‌లో ఉన్న సెజిన్.. ముంబై లోకల్ ట్రైన్ అనుభూతిని పొందాలనుకున్నాడు. అందుకోసం థానే స్టేషన్‌కు చేరుకుని రూ. 170 పెట్టి రెండు గంటల రౌండ్-ట్రిప్ (round-trip) టికెట్ కొన్నాడు. ప్లాట్‌ఫాంపైకి వెళ్లగానే ఎటు వెళ్లాలో అర్థం కాక కాసేపు కన్ఫ్యూజ్ అయ్యాడు.

రద్దీ చూసి దౌడ్..

ఇంతలో ట్రైన్ రావడం, జనాలు ఒక్కసారిగా డోర్ల వైపు దూసుకుపోవడంతో సెజిన్ షాక్ అయ్యాడు. లోపల కిక్కిరిసి ఉన్న ప్రయాణికులను చూసి ఫస్ట్ అటెంప్ట్ (first attempt) లో వెనక్కి తగ్గాడు. ఎలాగైనా ఎక్కాలని సెకండ్ అటెంప్ట్ చేసినప్పటికీ ఆ రద్దీని తట్టుకోలేక ఫెయిల్ అయ్యాడు. ఈ ఫ్రస్ట్రేషన్‌లో ఇక ట్రైన్ జర్నీ తనవల్ల కాదనుకుని.. ప్లాన్ డ్రాప్ చేసుకుని చివరికి ఓ ట్యాక్సీ పట్టుకుని వెళ్లిపోయాడు.

ముంబైవాసులపై రెస్పెక్ట్ పెరిగింది

తన ఎక్స్‌పీరియన్స్‌ను ఇన్‌స్టాగ్రామ్‌లో పంచుకున్న సెజిన్.. "ముంబై లోకల్ ట్రైన్‌లో ప్రయాణించే వారిని చూస్తుంటే నాలో గౌరవం పెరిగింది. నన్ను నేను సమీక్షించుకునేలా చేసింది" అని క్యాప్షన్ ఇచ్చాడు.

ఈ వీడియో చూసిన నెటిజన్లు ఫన్నీగా రియాక్ట్ అవుతున్నారు. "నువ్వు చాలా తొందరగా గివ్-అప్ (give up) ఇచ్చేశావ్, ఆ వీడియోలో అంత రద్దీ కూడా లేదు" అని కొందరు కామెంట్ చేస్తుంటే.. "ఎవరినైనా హెల్ప్ అడిగితే బాగుండేది" అని మరికొందరు సలహా ఇచ్చారు. ముంబైలో పీక్ అవర్స్‌ (peak hours)లో ప్రయాణించడం మానుకుంటే కొత్తవారికి ఈజీగా ఉంటుందని ఇంకొందరు నెటిజన్లు సూచిస్తున్నారు.