Telangana Movie Ticket Prices | సినిమా టికెట్ ధరలపై తెలంగాణ సర్కార్ సంచలన నిర్ణయం.. ఏసీ, నాన్-ఏసీ థియేటర్లలో కొత్త రేట్లు ఇవే!

Telangana Movie Ticket Prices | త్రినేత్ర.న్యూస్ : తెలంగాణలోని (Telangana) సినీ అభిమానులకు రాష్ట్ర ప్రభుత్వం ఊరటనిచ్చే వార్త చెప్పింది. గత కొంతకాలంగా థియేటర్ల నిర్వహణ, సినిమా టికెట్ రేట్లపై (Movie ticket prices) జరుగుతున్న చర్చలకు చెక్ పెడుతూ ప్రభుత్వం కీలక ఉత్తర్వులు జారీ చేసింది. ప్రతి సామాన్యుడికి సైతం వినోదం అందుబాటులో ఉండేలా, చిన్న సింగిల్ స్క్రీన్ల నుంచి లగ్జరీ మల్టీప్లెక్స్‌ల వరకు స్పష్టమైన ధరలను ఫైనలైజ్ చేస్తూ నిర్ణయం తీసుకుంది.

నాన్-ఏసీ, ఏసీ థియేటర్ల రేట్లు ఇలా..

తాజా గైడ్‌లైన్స్ ప్రకారం టికెట్ ధరలను ప్రేక్షకులకు అందుబాటులో ఉంచేలా ప్రభుత్వం ప్లాన్ చేసింది. నాన్-ఏసీ థియేటర్లలో (Non-AC theaters) నాన్-ప్రీమియం సీట్లకు కనిష్ఠంగా రూ.30, గరిష్ఠంగా రూ.70 గా నిర్ణయించారు. అదే అందులో ప్రీమియం క్లాస్‌కు అయితే కనిష్ఠంగా రూ.50, గరిష్ఠంగా రూ.100 గా ఫిక్స్ చేశారు. ఇక అందరూ ఎక్కువగా వెళ్లే ఏసీ థియేటర్ల (AC theaters) విషయానికొస్తే.. నాన్-ప్రీమియం కేటగిరీలో రూ.50 నుంచి రూ.150 వరకు, ప్రీమియం కేటగిరీలో రూ.100 నుంచి రూ.200 వరకు రేట్లను ఖరారు చేశారు.

స్పెషల్ థియేటర్లలో ఎంతంటే?

మంచి మూవీ ఎక్స్‌పీరియన్స్ కోరుకునే ప్రేక్షకుల కోసం ఉండే స్పెషల్ థియేటర్లలో (Special theaters) సైతం ధరలపై ప్రభుత్వం స్పష్టత ఇచ్చింది. వీటిలో నాన్-ప్రీమియం టికెట్ ధర కనిష్ఠంగా రూ.100, గరిష్ఠంగా రూ.250 వరకు ఉంటుందని తాజా ఆర్డర్స్‌లో (Government Orders) వెల్లడించింది.

కొత్త సినిమాలు రిలీజ్ అయినప్పుడు ఇష్టారీతిన ధరలు పెంచే విధానానికి ఈ తాజా ఉత్తర్వులతో అడ్డుకట్ట పడుతుందని ఇండస్ట్రీ వర్గాలు, సినీ విశ్లేషకులు భావిస్తున్నారు. ఆడియన్స్‌కు కూడా ఇకపై టికెట్ ధరలపై ఒక క్లారిటీ రానుంది.