Governor | శ్ర‌మించేత‌త్వం గ‌ల శాంతికాముకులు తెలంగాణ ప్ర‌జ‌లు : గ‌వ‌ర్న‌ర్ శివ ప్ర‌తాప్ శుక్లా

Governor | త్రినేత్ర‌.న్యూస్ : శ్ర‌మించేత‌త్వం గ‌ల శాంతికాముకులు తెలంగాణ ప్ర‌జ‌లు అని గ‌వ‌ర్న‌ర్ శివ ప్ర‌తాప్ శుక్లా పేర్కొన్నారు. బ‌డ్జెట్ స‌మావేశాల సంద‌ర్భంగా ఉభ‌య స‌భ‌ల‌ను ఉద్దేశించి గ‌వ‌ర్న‌ర్ ప్ర‌సంగించారు. గ‌వ‌ర్న‌ర్ త‌న ప్ర‌సంగాన్ని తెలుగులో ప్రారంభించారు.

ప్ర‌తి పౌరుడు అభివృద్ధిలో భాగస్వామిగా ఉండేలా బ‌డ్జెట్. ప్ర‌తి వ‌ర్గానికి అభివృద్ధి ఫ‌లాలు అందించేందుకు ప్ర‌భుత్వం క‌ట్టుబ‌డి ఉంది. ప్ర‌జా కేంద్రీకృత పాల‌న ప్ర‌భుత్వ విధానం. 2047 తెలంగాణ రైజింగ్ దిశ‌గా అడుగులు వేస్తున్నాం. ఏడాదిలోనే సంక్షేమ ప‌థ‌కాలు అంద‌రికీ అందేలా చ‌ర్య‌లు తీసుకున్నాం. ప్ర‌పంచానికి, దేశానికి దిక్సూచిగా తెలంగాణ మారుతుంది. ప్ర‌జా సంక్షేమ‌మే ల‌క్ష్యంగా మా పాల‌న సాగుతోంది. గ‌తేడాది కాలంలో సాహోసోపేత‌మైన సంస్క‌ర‌ణ‌లు అమ‌లు చేశామ‌ని గ‌వ‌ర్న‌ర్ తెలిపారు.

దేశ జీడీపీకి తెలంగాణ 4.99 శాతం అందిస్తోంది. కోర్, ఫ్యూర్, రేర్‌గా తెలంగాణ‌ను విభ‌జించాం. ఈజ్ ఆఫ్ డూయింగ్ బిజినెస్ ద్వారా రాష్ట్రాన్ని అభివృద్ధి చేస్తున్నాం. ప్ర‌జ‌ల‌కు భ‌ద్ర‌త‌, ర‌క్ష‌ణ క‌ల్పించే విధంగా నాలుగు క‌మిష‌నరేట్ల‌ను ఏర్పాటు చేశాం. మూసీలోకి మురుగు చేర‌కుండా 39 ఎస్టీపీల‌ను ఏర్పాటు చేస్తున్నాం. గాంధీ స‌రోవ‌ర్ ప్రాజెక్టును నిర్మించ‌బోతున్నాం. జీహెచ్ఎంసీని విభ‌జించి మూడు కార్పొరేష‌న్లుగా విభ‌జించామ‌ని గ‌వ‌ర్న‌ర్ తెలిపారు.