TOMCOM | ఏటీసీల్లో డ్రోన్ టెక్నాల‌జీ కోర్సులు

TOMCOM | త్రినేత్ర‌.న్యూస్ : రాష్ట్రంలోని ఏటీసీ( ATC )ల్లో ఈవీ స‌ర్వీసుల‌కు సంబంధించిన కోర్సుల‌తో పాటు డ్రోన్ టెక్నాల‌జీ( Drone Technology ) కోర్సుల‌ను ప్ర‌వేశ‌పెట్టాల‌ని ముఖ్య‌మంత్రి రేవంత్ రెడ్డి( CM Revanth Reddy ) ఆదేశించారు. శ‌క్తి డిపార్ట్‌మెంట్‌పై ఆ శాఖ మంత్రి వివేక్‌తో క‌లిసి సీఎం రేవంత్ రెడ్డి స‌మీక్ష చేశారు.

యంగ్ ఇండియా స్కిల్ యూనివర్సిటీలో నూతన ఆవిష్కరణలకు అవసరమైన రీసెర్చ్ సెంటర్ ఏర్పాటు చేయాల‌ని సీఎం అన్నారు. ప్రభుత్వ ఇంజనీరింగ్ కళాశాలల్లో చదివే విద్యార్థులకు కంపెనీల్లో ఇంటర్న్‌షిప్ అవకాశం కల్పించాల‌న్నారు. టామ్‌కామ్‌(TOMCOM) ని మరింత బలోపేతం చేయాల్సిన అవ‌స‌రం ఉంద‌న్నారు. పాస్‌పోర్టు మొదలు విదేశీ కంపెనీల్లో ఉద్యోగాల వరకు టామ్‌కామ్ బాధ్యత తీసుకోవాలి. స్కిల్ యూనివర్సిటీలో విదేశీ భాషలు నేర్పేందుకు ప్రత్యేక వింగ్ ఏర్పాటు చేయాలని సీఎం ఆదేశించారు. డిమాండ్‌కు త‌గ్గ‌ట్టుగా న‌ర్సింగ్ కాలేజీల‌కు అనుమ‌తివ్వాల‌న్నారు.