Macbook Air 2025 | మాక్‌బుక్ కొనాల‌నుకుంటున్న వారికి గుడ్ న్యూస్‌.. భారీ త‌గ్గింపు ధ‌ర‌కు సేల్‌..

టెక్ దిగ్గ‌జ సంస్థ యాపిల్‌కు చెందిన మాక్‌బుక్‌ను కొనుగోలు చేయాల‌ని చూస్తున్నారా..? అయితే మీకు ఇదే గొప్ప అవ‌కాశం అని చెప్ప‌వ‌చ్చు. ఎందుకంటే మాక్‌బుక్ ఎయిర్ (2025) మోడ‌ల్‌పై యాపిల్ ఏకంగా రూ.10వేల త‌గ్గింపు ధ‌ర‌ను అందిస్తోంది. క‌నుక మాక్‌బుక్ కొనాల‌ని చూస్తున్న‌వారు ఈ ఆఫ‌ర్‌ను స‌ద్వినియోగం చేసుకోవ‌చ్చు. యాపిల్ త‌న లేటెస్ట్ మాక్ బుక్ ఎయిర్ (2025) మోడ‌ల్‌ను ఎం4 ప్రాసెస‌ర్‌తో ఈ ఏడాది మార్చిలో రిలీజ్ చేసింది. అయితే ప్ర‌స్తుతం ఈ మోడ‌ల్‌పై ఏకంగా రూ.10వేల త‌గ్గింపు ధ‌ర‌ను అందిస్తున్నారు. ఇక ఈ మాక్‌బుక్ 3 క‌ల‌ర్ ఆప్ష‌న్ల‌లో, రెండు డిస్‌ప్లే సైజుల్లో వినియోగ‌దారుల‌కు ల‌భిస్తోంది.

Macbook Air 2025 | మాక్ బుక్ ఎయిర్ (2025) ల్యాప్ టాప్‌ను అమెజాన్‌లో త‌గ్గింపు ధ‌ర‌కు అందిస్తున్నారు. క‌నుక ఆ సైట్‌లోనే దీన్ని వినియోగ‌దారులు కొనుగోలు చేయాల్సి ఉంటుంది. మాక్ బుక్ ఎయిర్ (2025) 13 ఇంచ్ డిస్‌ప్లే, 16జీబీ ర్యామ్‌, 256జీబీ స్టోరేజ్ మోడ‌ల్ లాంచింగ్ ధ‌ర రూ.99,900 ఉండ‌గా, ప్ర‌స్తుతం దీన్ని డిస్కౌంట్ పోను రూ.90,900 ధ‌ర‌కు అందిస్తున్నారు. అయితే కేవ‌లం ఈ వేరియెంట్‌పైనే అది కూడా స్టార్ లైట్ క‌ల‌ర్ ఆప్ష‌న్ మోడ‌ల్ పైనే ఈ త‌గ్గింపు ధ‌ర‌ను అందిస్తున్నారు. ఇత‌ర మోడ‌ల్స్ పై కూడా త‌గ్గింపు ధ‌ర ల‌భిస్తుంది. కానీ కాస్త త‌క్కువ డిస్కౌంట్‌ను ఇస్తున్నారు. స్కై బ్లూ, సిల్వ‌ర్‌, మిడ్ నైట్ క‌ల‌ర్ ఆప్ష‌న్ మోడ‌ల్స్‌ను కాస్త త‌గ్గింపు ధ‌ర‌తో రూ.92,900, రూ.94,900, రూ.92,900 ధ‌ర‌ల‌కు పొంద‌వ‌చ్చు.

ఇక మాక్ బుక్ ఎయిర్ (2025) 16జీబీ ర్యామ్‌, 512జీబీ స్టోరేజ్ మోడ‌ల్ లాంచింగ్ ధ‌ర రూ.1,19,900 ఉండ‌గా ఈ ప్ర‌స్తుతం దీన్ని రూ.8వేల త‌గ్గింపు ధ‌ర‌తో రూ.1,11,900కు అందిస్తున్నారు. ఇక ఈ మోడ‌ల్స్‌ను ఎస్‌బీఐ లేదా ఐసీఐసీఐ బ్యాంకు క్రెడిట్ కార్డుల‌తో కొనుగోలు చేస్తే అద‌నంగా మ‌రో రూ.5వేల ఇన్‌స్టంట్ డిస్కౌంట్‌ను పొంద‌వ‌చ్చు. దీంతో మాక్‌బుక్ ధ‌ర మ‌రింత త‌గ్గుతుంది.

ఇక మాక్ బుక్ ఎయిర్ (2025) మోడ‌ల్‌లో యాపిల్ ఎం4 ప్రాసెస‌ర్‌ను ఏర్పాటు చేయ‌గా, ఇందులో 10 కోర్ ప్రాసెస‌ర్‌, 16 కోర్ న్యూరాల్ ఇంజిన్‌, 8 కోర్ జీపీయూ ఉంది. ఈ మోడ‌ల్ 13 ఇంచ్ డిస్‌ప్లే సూప‌ర్ రెటినా టెక్నాల‌జీని క‌లిగి ఉంటుంది. 500 నిట్స్ వ‌ర‌కు పీక్ బ్రైట్ నెస్ ఫీచ‌ర్ ల‌భిస్తుంది. అలాగే 6కె రిజ‌ల్యూష‌న్ ఉన్న రెండు ఎక్స్‌ట‌ర్న‌ల్ డిస్‌ప్లేల‌ను దీనికి క‌నెక్ట్ చేయ‌వ‌చ్చు. వైఫై 6ఇ, బ్లూటూత్ 5.3, రెండు యూఎస్‌బీ 4 పోర్టులు, మాగ్‌సేఫ్ 3 చార్జింగ్ పోర్ట్‌, 3.5ఎంఎం ఆడియో జాక్‌, ట‌చ్ ఐడీ, 53.8 వాట్ అవర్ బ్యాట‌రీ, 70 వాట్ల ఫాస్ట్ చార్జింగ్ వంటి ఫీచ‌ర్ల‌ను ఈ మాక్‌బుక్‌లో అందిస్తున్నారు.