Trichy East | టీవీకే బిగ్ ట్విస్ట్‌.. తిరుచ్చి ఈస్ట్ నుంచి రాఘ‌వ లారెన్స్ పోటీ..?

Trichy East | త‌మిళ‌నాడులో మ‌రో ఆస‌క్తిక‌ర రాజ‌కీయ చ‌ర్చ మొద‌లైంది. ఇటీవ‌లే జ‌రిగిన అసెంబ్లీ ఎన్నిక‌ల్లో విజ‌య్ రెండు స్థానాల్లో గెలుపొందిన విష‌యం తెలిసిందే. తిరుచ్చి ఈస్ట్ (Trichy East), పెరంబూర్.. రెండు స్థానాల్లోనూ విజ‌య్ (Actor Vijay) గెలుపొందారు. ఆ త‌ర్వాత తిరుచ్చి ఈస్ట్ నియోజ‌క‌వ‌ర్గాన్ని వ‌దులుకున్నారు. దీంతో అక్క‌డ ఎవ‌రు పోటీ చేస్తార‌న్న‌ది ప్ర‌స్తుతం చ‌ర్చనీయాంశ‌మ‌వుతోంది.

తొలుత ప్ర‌ముఖ స్టార్ న‌టి త్రిష తిరుచ్చి నుంచి టీవీకే అభ్య‌ర్థిగా (TVK ticket) పోటీ చేసే అవ‌కాశం ఉందంటూ జోరుగా ప్ర‌చారం జ‌రిగింది. ఈ స్థానం నుంచి పోటీ చేసి త్రిష త‌న రాజ‌కీయ ప్ర‌స్థానాన్ని మొద‌లు పెడుతుందంటూ త‌మిళ మీడియా, సోష‌ల్ మీడియాలో విప‌రీతంగా చ‌ర్చ జ‌రిగింది. అయితే, ప్ర‌స్తుతం త్రిష‌కు బ‌దులు మ‌రో ప్ర‌ముఖ న‌టుడి పేరు తెర‌పైకి వ‌చ్చింది. ప్రముఖ నటుడు, కొరియోగ్రాఫర్, దర్శకుడు రాఘవ లారెన్స్ (Raghava Lawrence) పేరు తిరుచ్చి ఈస్ట్ రేసులో బలంగా వినిపిస్తోంది. ఆయ‌న త్వ‌ర‌లోనే విజ‌య్ నేతృత్వంలోని టీవీకేలో చేర‌బోతున్నారంటూ ప్ర‌చారం ఊపందుకుంది.

రాఘవ లారెన్స్ రాజకీయాల్లోకి ప్రవేశించే విషయమై తన గురువు, ప్ర‌ముఖ నటుడు రజనీకాంత్‌ సలహా తీసుకున్నట్లు కూడా సమాచారం. అయితే, ఈ విషయానికి సంబంధించి టీవీకే నుంచి కానీ, రాఘ‌వ లారెన్స్ నుంచి కానీ ఎలాంటి అధికారిక ప్ర‌క‌ట‌నా వెలువ‌డ‌లేదు. ఇక ఎన్నిక‌ల స‌మ‌యంలో రాజ‌కీయాల్లో ప్ర‌ముఖుల పేర్లు వినిపించ‌డం స‌ర్వ‌సాధార‌ణ‌మే. అయితే, అనూహ్యంగా రాఘ‌వ లారెన్స్ పేరు తెర‌పైకి రావ‌డం ఆస‌క్తిక‌రంగా మారింది. తిరుచ్చి ఈస్ట్ (Trichy East) ఉపఎన్నికకు సంబంధించి అధికారిక ప్రకటన వచ్చే వ‌ర‌కూ ఇంకా ఎంత‌మంది పేర్లు తెర‌పైకి వ‌స్తాయో చూడాలి.

Also Read..

సుఖోయ్ ఎస్‌యూ-57 త‌యారుచేద్దాం.. భార‌త్‌కు పుతిన్ కీల‌క ప్ర‌తిపాద‌న‌

ఆయుష్మాన్ కార్డుతో రూ.5 లక్షల వరకు ఉచిత వైద్యం.. కార్డును ఎలా పొందాలి..

మధుమేహ మందు మెట్‌ఫార్మిన్‌.. మరెన్నో రోగాలకు ఆశాకిరణం..