Harish Rana | హరీశ్ రాణా అంత్య‌క్రియ‌లు పూర్తి

Harish Rana | కారుణ్య మ‌ర‌ణం (passive euthanasia) పొందిన‌ 32 ఏండ్ల‌ హరీశ్ రాణా (Harish Rana) అంత్య‌క్రియ‌లు పూర్త‌య్యాయి. ఇవాళ ఢిల్లీ (Delhi)లోని గ్రీన్ పార్క్ శ్మశానవాటిక (Green Park Cremation)లో హ‌రీశ్ రాణా అంత్య‌క్రియ‌ల‌ను కుటుంబ స‌భ్యులు నిర్వ‌హించారు. ఈ సంద‌ర్భంగా త‌న కుమారుడికి త‌ల్లిదండ్రులు క‌న్నీటితో వీడ్కోలు ప‌లికారు. ఈ అంత్య‌క్రియ‌ల్లో బ్రహ్మకుమారిలు కూడా పాల్గొన్నారు.

ఢిల్లీకి చెందిన 32 ఏండ్ల‌ హరీశ్ రాణా.. చండీగఢ్‌ యూనివర్సిటీలో సివిల్ ఇంజినీరింగ్ చదువుతున్న స‌మ‌యంలో, 2013 ఆగస్టు 20న ప్ర‌మాద‌వ‌శాత్తు పీజీ హాస్ట‌ల్‌ నాలుగో అంతస్తు బాల్కనీ నుంచి కిందపడిపోయాడు. దీంతో అతని తలకు తీవ్ర గాయమైంది. శరీరం చలనం లేని స్థితికి చేరుకుంది. ప్రముఖ దవాఖాల్లో చికిత్స అందించినప్ప‌టికీ ఆరోగ్య పరిస్థితిలో ఎలాంటి పురోగతి కనిపించలేదు. అప్పటినుంచి కోమాలోనే ఉండిపోయాడు.

https://x.com/PTI_News/status/2036646349463273688

సుమారు 13 ఏండ్లుగా కోమాలో ఉండి జీవచ్ఛవంలా మారిన హరీశ్ రాణా కారుణ్య మరణానికి దేశ అత్యున్న‌త న్యాయ‌స్థానం సుప్రీంకోర్టు అనుమ‌తించిన విష‌యం తెలిసిందే. ఈనేపథ్యంలో కుటుంబ సభ్యులు హరీశ్ రాణాకు తుది వీడ్కోలు పలికారు. 13 ఏళ్ల నరకం నుంచి హరీశ్ రాణాకు విముక్తి కల్పించే ప్రక్రియను మార్చి 16న మొదలు పెట్టారు. హరీశ్ రాణాను కృత్రిమ శ్వాస వ్యవస్థ నుంచి క్రమంగా తప్పించేందుకు ఢిల్లీ ఎయిమ్స్‌కు తరలించారు. ఆసుపత్రిలోనే మంగళవారం ఆయన తుది శ్వాస విడిచారు. ఎలాంటి నొప్పి కలగకుండా, ఇబ్బంది పడకుండా ఉండేలా హరీశ్ రాణాకు లైఫ్ సపోర్ట్‌ను కొంచెం కొంచెంగా వైద్యులు తగ్గిస్తూ వచ్చారు. భారతదేశ న్యాయ, వైద్య చరిత్రలో కనీవినీ ఎరుగని రీతిలో నిష్క్రియాత్మక కారుణ్య మరణం ఒక వ్యక్తికి ఆచరణలో అమలు కావడం ఇదే తొలిసారి.

https://x.com/ANI/status/2036651694403317801

Also Read..

Petroleum Dealers Association | ఇంధ‌న‌ కొర‌త లేదు.. తెలంగాణ‌ పెట్రోలియం డీలర్స్ అసోసియేషన్ కీలక ప్రకటన

Revanth Reddy | 2 గంట‌ల‌కు రాష్ట్రంలో పెట్రోల్‌, గ్యాస్ సిలిండర్లు, యూరియా నిల్వలపై సీఎం రేవంత్ కీలక భేటీ

BRS | రాష్ట్రంలో పెట్రోల్‌, డీజిల్ కొర‌త‌.. బీఆర్ఎస్ వాయిదా తీర్మానం