IAF Agniveer Vayu | ఇండియ‌న్ ఎయిర్‌ఫోర్స్‌లో ఉద్యోగాలు.. ఇంట‌ర్ అర్హ‌త‌

IAF Agniveer Vayu | త్రినేత్ర‌.న్యూస్‌: అగ్నిపథ్ స్కీంలో భాగంగా అగ్నివీర్ (Agniveer) వాయు నియామకాల కోసం ఇండియన్ ఎయిర్​ఫోర్స్ (IAF) నోటిఫికేషన్ విడుదల చేసింది. అర్హులైన అభ్యర్థుల నుంచి (IAF Agniveer Vayu) ఖాళీల భర్తీకి ఆన్​లైన్​లో దరఖాస్తులు కోరుతున్న‌ది. ఆన్‌లైన్ రిజిస్ట్రేష‌న్ వ‌చ్చే నెల 6 నుంచి ప్రారంభ‌మ‌వుతుంది. జూలై 26న ద‌ర‌ఖాస్తుల గ‌డువు పూర్తికానుంది. రాత‌ప‌రీక్ష ద్వారా అభ్య‌ర్థుల‌ను ఎంపిక చేయ‌నుంది. ఎంపికైన వారు భార‌త వాయుసేన‌లో నాలుగేండ్ల‌పాటు అగ్నివీర్‌గా సేవలందించ‌వ‌చ్చు. మొదటి ఏడాది రూ.30 వేలు, రెండో సంవత్సరం రూ.33వేలు, మూడో ఏడాది రూ.36,500, నాలుగో సంవత్సరం రూ.40 వేల జీతం అందుతుంది. వీటితో పాటు అదనంగా రిస్క్ అండ్‌ హార్డ్‌షిప్ అలవెన్స్, డ్రెస్, ట్రావెల్ అలవెన్స్ వంటి బెనిఫిట్స్ కూడా ఉంటాయి.

• ఇండియన్ ఎయిర్‌ఫోర్స్- అగ్నిపథ్‌ స్కీం కింద అగ్నివీర్ వాయు(02/ 2027) బ్యాచ్ నియామకం

అర్హతలు

మ్యాథమెటిక్స్‌, ఫిజిక్స్‌, ఇంగ్లిష్‌ సబ్జెక్టులతో ఇంటర్(10+2) లేదా ఇంటర్ (సైన్స్ కాని ఇతర సబ్జెక్టులు) లేదా ఇంటర్‌ ఒకేషనల్ కోర్సు 50 శాతం మార్కులతో ఉత్తీర్ణులై ఉండాలి. కంప్యూటర్ సైన్స్, ఇన్‌స్ట్రుమెంటేషన్ టెక్నాలజీ, ఎలక్ట్రికల్, ఎలక్ట్రానిక్స్, మెకానికల్, ఆటోమొబైల్, ఇన్ఫర్మేషన్ టెక్నాలజీలో మూడేండ్ల‌ ఇంజినీరింగ్‌ డిప్లొమా చేసి ఉండాలి. అభ్య‌ర్థులు 2005 జూలై 1 నుంచి 2010 జనవరి 1 మధ్య జన్మించిన వారై ఉండాలి.

పురుషులు/మహిళలు 152 సెంటీమీట‌ర్ల ఎత్తు ఉండాలి. ఈశాన్య లేదా ఉత్తరాఖండ్‌లోని కొండ ప్రాంతాలకు చెందిన మహిళా అభ్యర్థులు 147 సెం.మీ. ఉన్నా కూడా ఈ పోస్టులకు అప్లై చేసుకోవచ్చు.

ఎంపిక విధానం
ఎంపిక ప్ర‌క్రియ నాలుగు ద‌శ‌ల్లో ఉంటుంది. ఫేజ్-1 (ఆన్‌లైన్ రాత పరీక్ష), ఫేజ్-2 (ఫిజికల్ ఫిట్‌నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2), ఫేజ్-3 (మెడికల్ ఫిట్‌నెస్ టెస్ట్), స‌ర్టిఫికెట్ వెరిఫికేష‌న్ ఆధారంగా ఉంటుంది.

దరఖాస్తులు: ఆన్‌లైన్‌లో
ఆన్‌లైన్ రిజిస్ట్రేషన్ ప్రారంభం: జూలై 6
ద‌ర‌ఖాస్తుల‌కు చివ‌రితేదీ: జూలై 26
అప్లికేష‌న్ ఫీజు: రూ.550, జీఎస్‌టీ అద‌నం
ఆన్‌లైన్ ఎగ్జామ్స్: సెప్టెంబర్ 22, 23 తేదీల్లో..
వెబ్‌సైట్‌: https://agnipathvayu.cdac.in.

పూర్తి వివ‌రాల‌కు ఇక్క‌డ క్లిక్ చేయండి..