TMC Office | కోల్‌క‌తాలోని టీఎంసీ ఆఫీస్‌పై దాడి.. బీజేపీ గూండాల ప‌నే అన్న అభిషేక్ బెన‌ర్జీ

TMC Office | త్రినేత్ర‌.న్యూస్ : కోల్‌క‌తా (Kolkata)లోని త‌మ పార్టీ కార్యాల‌యం (TMC Office)పై దాడి జ‌రిగిన‌ట్లు తృణ‌మూల్ కాంగ్రెస్ ఆరోపించింది. ఇవాళ తెల్ల‌వారుజామున కొంద‌రు వ్య‌క్తులు పార్టీ కార్యాల‌యాన్ని ధ్వంసం చేసిన‌ట్లు తెలిపింది. దాదాపు రెండు గంటల పాటు పోలీసుల నుంచి ఎలాంటి స్పందన లేకపోవడం అత్యంత దారుణం అని పేర్కొంది.

ఈ మేర‌కు దాడికి సంబంధించిన వీడియోని టీఎంసీ ఎంపీ అభిషేక్ బెన‌ర్జీ (Abhishek Banerjee) ఎక్స్ వేదిక‌గా షేర్ చేశారు. తెల్ల‌వారుజామున 4:30 గంట‌ల స‌మ‌యంలో ఆయుధాల‌తో వ‌చ్చిన కొంద‌రు వ్య‌క్తులు కోల్‌క‌తా న‌డిబొడ్డున‌ కామాక్ స్ట్రీట్‌లోని (Camac Street) త‌మ పార్టీ కార్యాల‌యంపై దాడి చేసి, ధ్వంసం చేసిన‌ట్లు చెప్పారు. ఫ్లాట్-స్క్రీన్ మానిటర్లను ఎత్తికెళ్లిన‌ట్లు పేర్కొన్నారు. త‌మ కార్య‌క‌ర్త‌ల‌పై కూడా దాడి చేసిన‌ట్లు తెలిపారు. వారి ఫోన్ల‌ను కూడా లాక్కున్నార‌ని ఆందోళ‌న వ్య‌క్తం చేశారు. ఫ‌ర్నిచ‌ర్‌, కార్యాల‌య ప‌రిస‌రాల‌ను, ఎల‌క్ట్రానిక్ ప‌రిక‌రాల‌ను ధ్వంసం చేశార‌ని చెప్పారు. ఇది బీజేపీ గూండాల ప‌నే అని ఆరోపించారు.

ఈ ఘ‌ట‌న‌పై పోలీసుల‌కు ఫిర్యాదు చేయ‌గా.. వారి నుంచి ఎలాంటి స్పందన రాలేద‌ని చెప్పారు. అస‌లు కోల్‌క‌తాలో పోలీసులు ఉన్నారా..? అంటూ ప్ర‌శ్నించారు. మా సిబ్బంది, లాయ‌ర్లు ప‌దేప‌దే కాల్స్‌, ఈమెయిల్స్ చేసిన‌ప్ప‌టికీ దాదాపు రెండు గంటల పాటు పోలీసుల నుంచి ఎలాంటి స్పంద‌నా లేకపోవడం అత్యంత దారుణమ‌ని మండిప‌డ్డారు. ఇది అత్యంత హేయమైన చ‌ర్య‌గా అభివ‌ర్ణించారు. దాడికి పాల్పడిన వారిని వెంటనే అరెస్టు చేయాలని అభిషేక్ బెన‌ర్జీ డిమాండ్ చేశారు.

What happened at Camac Street this morning is a disgraceful assault on the rule of law.

At around 4.30 am, BJP hooligans, armed with weapons, stormed our party office in the heart of Kolkata. They attacked our people, snatched their phones, smashed furniture, ransacked the… pic.twitter.com/J3LrSsmKJI

— Abhishek Banerjee (@abhishekaitc) September 3, 2026

Also Read..

24 రోజులైంది.. చ‌ర్య‌లేవి..? వేదిక శుద్ధీక‌ర‌ణ‌పై న‌డ్డాకు ఖ‌ర్గే లేఖ‌

ఎయిర్‌ఫోర్స్‌కు బాలాకోట్‌ దాడుల హీరో అభినందన్ వీడ్కోలు.. ప్రైవేట్ పైలట్‌గా కొత్త జ‌ర్నీ

పంజాబ్ ఓటరు జాబితా నుంచి రాఘ‌వ్ చ‌ద్ధా పేరు మాయం.. ఆప్ ప్ర‌భుత్వంపై ఆరోప‌ణ‌లు