Girl Incident | ఆడుకుంటూ వెళ్లి బావిలో ప‌డిన చిన్నారి.. కాపాడిన డ్రెస్సు

త్రినేత్ర‌.న్యూస్‌: ఓ చిన్నారి ప్ర‌మాద‌వ‌శాత్తు బావి (well) లో ప‌డిపోగా వేసుకున్న డ్రెస్సే (Dress) ఆమెకు శ్రీ‌రామ ర‌క్ష అయింది. ఇంటి స‌మీపంలో ఆడుకుంటుండ‌గా 50 అడుగుల లోతైన నీటి బావిలో పడిపోయింది. పాకు తొడిగిన డ్రెస్సే ప్రాణాల‌ను నిల‌బెట్టింది. ఈ విచిత్ర ఘ‌ట‌న క‌ర్ణాట‌క (Karnataka) రాష్ట్రం సిర్సిలో సోమ‌వారం చోటుచేసుకుంది.

భువి (Bhuvi) అనే రెండున్న‌రేళ్ల పాప ఇంటి స‌మీపంలో ఆడుకుంటూ బావిలో ప‌డిపోయింది. వేసుకున్న దుస్తులు మోటారు పైపు (Motor pipe) లో చిక్కుకోవడంతో అదృష్ట‌వ‌శాత్తు నీటిలో మునిగిపోలేదు. చిన్నారి కోసం కుటుంబ సభ్యులు వెతుకుతున్న క్ర‌మంలో బావిలో నుంచి కేక‌లు వినిపించాయి. వెంటనే వారు బావి వద్దకు వెళ్లి చూడగా లోపల ఉన్న మోటారు పైపులో ఆమె దుస్తులు చిక్కుకుని వేలాడుతూ కనిపించింది. వెంటనే అప్రమత్తమైన స్థానికుల్లో ఒకరు తాడు సాయంతో బావిలోకి దిగారు. సుమారు అరగంట పాటు శ్రమించి చిన్నారిని సురక్షితంగా బయటకు తీశారు. దీంతో కుటుంబ స‌భ్యులు ఊపిరి పీల్చుకున్నారు.