Gunfire | ట్రంప్ విందు కార్య‌క్ర‌మంలో కాల్పులు.. వైట్‌హౌస్ ప్రెస్ సెక్రెట‌రీ క‌రోలిన్ లీవిట్ వ్యాఖ్య‌లు వైర‌ల్‌..!

Gunfire | అమెరికాలో నిర్వహించిన వైట్‌హౌస్ కరస్పాండెంట్స్ అసోసియేషన్ వార్షిక విందు కార్యక్రమంలో అనూహ్య ఘటన చోటుచేసుకుంది. అధ్యక్షుడు డోనాల్డ్ ట్రంప్ హాజ‌రైన ఈ కార్య‌క్ర‌మంలో ఒక్క‌సారిగా కాల్పులు చోటు చేసుకున్నాయి. దాంతో ఒక్క‌సారిగా భ‌యాందోళ‌న‌లు వ్య‌క్త‌మ‌య్యారు. అయితే, కార్య‌క్ర‌మానికి ముందు ట్రంప్ ప్రెస్ సెక్రెట‌రీ క‌రోలిన్ లీవిట్ చేసిన వ్యాఖ్య‌లు స‌ర్వ‌త్రా చ‌ర్చ‌నీయాంశంగా మారాయి. ఫాక్స్ న్యూస్‌కు ఇచ్చిన ఇంటర్వ్యూలో క‌రోలిన్ మాట్లాడుతూ ట్రంప్ ప్ర‌సంగం ఉత్సాహంగా ఉండ‌బోతోందుని.. ఈ రాత్రి కొన్ని షాట్స్ వినిపిస్తాయంటూ వ్యాఖ్యానించింది. ఆమె వ్యాఖ్య వెనుక ఉద్దేశం ట్రంప్ ప్ర‌సంగం ఆక‌ర్ష‌ణీయంగా ఉండ‌బోతుంద‌ని అయినా.. కాల్పుల ఘ‌ట‌న‌తో ఆ వ్యాఖ్య‌ల‌కు కొత్త అర్థాలు వెలుగులోకి వ‌స్తున్నాయి. కార్యక్రమం జరుగుతున్న సమయంలో ఒక వ్యక్తి అకస్మాత్తుగా కాల్పులకు దిగాడు.

భద్రతా సిబ్బందిని లక్ష్యంగా చేసుకుని కాల్పులు జరిపినట్లు సమాచారం. అయితే, ఆ అధికారి బుల్లెట్‌ప్రూఫ్ జాకెట్ ధరించి ఉండటంతో ప్రమాదం తప్పింది. ఘటనతో అక్కడ కొద్దిసేపు గందరగోళం నెలకొంది. అప్రమత్తమైన సీక్రెట్ సర్వీస్ సిబ్బంది వెంటనే స్పందించి ట్రంప్‌ను భద్రతా వలయంలోకి తీసుకుని వేదిక వెనుక భాగం ద్వారా సురక్షిత ప్రాంతానికి తరలించారు. పరిస్థితిని అదుపులోకి తెచ్చిన అధికారులు దుండగుడిని అదుపులోకి తీసుకున్నారు. ఈ ఘటనపై స్పందించిన ట్రంప్ తనపై హత్యాయత్నం జరిగిందని ఆరోపించారు. ఇక లీవిట్ చేసిన వ్యాఖ్యలు, అనంతరం జరిగిన కాల్పుల ఘటన మధ్య ఉన్న యాదృచ్ఛిక పోలికపై సోషల్ మీడియాలో విస్తృత చర్చ సాగుతోంది. అదృష్టవశాత్తూ ఈ ఘటనలో ఎవరూ తీవ్రంగా గాయపడకపోవడంతో పెద్ద ప్రమాదం తప్పింది. ఘటనపై సంబంధిత అధికారులు దర్యాప్తు కొనసాగిస్తున్నారు.

🔥 Karoline Leavitt calls on everyone to watch tonight because Donald Trump will bring the heat and there will be “shots fired” pic.twitter.com/U5fqLd8Ydw

— Vlad Posts (@ANN_News92) April 25, 2026