Horror OTT | ఓటీటీలోకి వ‌చ్చిన సోనాక్షి సిన్హా హార‌ర్ మిస్ట‌రీ మూవీ – బుక్‌లోని ద‌య్యాలు వెంట‌ప‌డితే

Horror OTT | సోనాక్షి సిన్హా హీరోయిన్‌గా న‌టించిన బాలీవుడ్ మూవీ నికితా రాయ్ గ‌త ఏడాది థియేట‌ర్ల‌లో రిలీజైంది. మిస్ట‌రీ హార‌ర్‌గా తెర‌కెక్కిన ఈ సినిమాకు సోనాక్షి సిన్హా సోద‌రుడు కుశ్ సిన్హా ద‌ర్శ‌క‌త్వం వ‌హించాడు. థియేట‌ర్ల‌లో ఫెయిల్యూర్‌గా నిలిచిన ఈ మూవీ స‌డెన్‌గా ఓటీటీలోకి వ‌చ్చింది.

జియో హాట్ స్టార్‌...

సోమ‌వారం జియో హాట్‌స్టార్‌లో నికితారాయ్ మూవీ రిలీజైంది. ఎలాంటి ముంద‌స్తు అనౌన్స్‌మెంట్ లేకుండా నేరుగా ఓటీటీలోకి వ‌చ్చి అభిమానుల‌ను స‌ర్‌ప్రైజ్ చేసింది. నికితారాయ్ మూవీలో ప‌రేష్ రావ‌ల్‌, సోహైల్ న‌య్య‌ర్ కీల‌క పాత్ర‌లు పోషించారు. భ‌గ‌వంత్ కేస‌రి ఫేమ్‌, బాలీవుడ్ సీనియ‌ర్ న‌టుడు అర్జున్ రాంపాల్ అతిథి పాత్ర‌లో న‌టించాడు. నికితా రాయ్ మూవీతోనే సోనాక్షి బ్ర‌ద‌ర్ కుశ్ సిన్హా డైరెక్ట‌ర్‌గా బాలీవుడ్‌లోకి ఎంట్రీ ఇచ్చారు.
దాదాపు ఇర‌వై ఐదు కోట్ల బ‌డ్జెట్‌తో నికితా రాయ్ మూవీ తెర‌కెక్కింది. ఈ సినిమా మొత్తం లండ‌న్ బ్యాక్‌డ్రాప్‌లోనే సాగుతుంది.

ద‌య్యాలు వెంటాడితే...

నికితా రాయ్ ఓ ర‌చ‌యిత. స్వ‌తంత్ర భావాలు క‌లిగిన ఓ ధైర్య‌వంతురాలైన యువ‌తి. నికిత‌ సోద‌రుడు ఆత్మ‌హ‌త్య చేసుకొని చ‌నిపోతాడు. అత‌డి చావుకు ఓ మిస్ట‌రీ బుక్‌కు సంబంధం ఉంద‌ని నికిత‌ భావిస్తుంది. ఆ మిస్ట‌రీ బుక్‌ను ఓపెన్ చేస్తుంది. అప్ప‌టి నుంచి కొన్ని అదృశ్య ఆత్మ‌లు నికిత‌ను వెంటాడ‌టం మొద‌లుపెడ‌తాయి. ఆ ఆత్మ‌లు ఎవ‌రిని? ఈ స‌మ‌స్య నుంచి గ‌ట్టెక్క‌డానికి నికిత‌కు సాయం చేసిన అమ‌ర్ దేవ్ ఎవ‌రు అన్న‌దే ఈ మూవీ క‌థ‌.సోనాక్షి సిన్హా గ‌త ఏడాది తెలుగులోకి ఎంట్రీ ఇచ్చింది. జ‌టాధ‌ర అనే హార‌ర్ మూవీలో క‌నిపించింది. హార‌ర్ క‌థాంశంతో రూపొందిన ఈ సినిమాలో సుధీర్ బాబు హీరోగా న‌టించాడు.ఈ సినిమా కూడా డిజాస్ట‌ర్‌గా నిలిచింది.