Priyanka Chopra | ఏంజెలినా జోలీ సినిమాలో విల‌న్‌గా వార‌ణాసి హీరోయిన్ – హాలీవుడ్‌లో క్రేజీ ఛాన్స్‌

Priyanka Chopra |  హాలీవుడ్‌లో గ్లోబ‌ల్ స్టార్ ప్రియాంక చోప్రా బిజీ అవుతోంది. క్రేజీ ఆఫ‌ర్లు ద‌క్కించుకుంటోంది. ఇటీవ‌ల రిలీజైన ది బ్ల‌ఫ్ మూవీలో యాక్ష‌న్ రోల్‌లో ప్రియాంక అద‌ర‌గొట్టింది. ప్ర‌స్తుతం లార్గ్ ఆఫ్ రింగ్స్ ఫేమ్ అర్లాంబో బ్లూమ్స్‌తో ఓ థ్రిల్ల‌ర్ మూవీ చేస్తోంది. వీటితో పాటు ప్రియాంక చేస్తోన్న మ‌రో రెండు హాలీవుడ్ సినిమాలు షూటింగ్ ద‌శ‌లో ఉన్నాయి.

ల‌క్కీ ఛాన్స్‌...

తాజాగా గ్లోబ‌ల్ స్టార్ హాలీవుడ్‌లో మ‌రో ల‌క్కీ ఛాన్స్ ద‌క్కించుకుంది. ఏంజెలినా జోలీతో క‌లిసి ఓ భారీ బ‌డ్జెట్ సినిమా చేయ‌బోతుంది. ఈ విష‌యాన్ని ప్రియాంక చోప్రా అఫీషియ‌ల్‌గా ఓ ఇంట‌ర్వ్యూలో క‌న్ఫామ్ చేసింది. హాలీవుడ్ సినిమాలు చేయ‌డానికి ఒక ర‌కంగా త‌న‌కు ఏంజెలినా జోలీ స్ఫూర్తి అని, ఆమెతో క‌లిసి స్క్రీన్‌ను షేర్ చేసుకునే అవ‌కాశం ద‌క్కిందంటే న‌మ్మ‌లేక‌పోతున్నానంటూ చెప్పింది. ఈ మూవీ సెట్స్‌లో అడుగుపెట్టే క్ష‌ణాల కోసం ఎదురుచూస్తున్నానంటూ తెలిపింది.

విల‌న్‌గా...

స‌ర్వైవ‌ల్ థ్రిల్ల‌ర్‌గా రూపొందుతోన్న ఈ మూవీలో ఏంజెలినా జోలీ హీరోయిన్‌గా నటిస్తోండ‌గా...ప్రియాంక చోప్రా క్యారెక్ట‌ర్ నెగెటివ్ షేడ్స్‌తో సాగుతుంద‌ని అంటున్నారు. గ్లామ‌ర‌స్ విల‌న్‌గా ఈ ఇండియ‌న్ బ్యూటీ క‌నిపిస్తుంద‌ని స‌మాచారం. గ్లామ‌ర్‌తో పాటు యాక్ష‌న్ సీన్స్‌లో ఏంజెలినా జోలీకి ధీటుగా ప్రియాంక పాత్ర ఉంటుంద‌ని చెబుతున్నారు.

మ‌హేష్ బాబు వార‌ణాసి...

ప్ర‌స్తుతం తెలుగులో ప్రియాంక చోప్రా వార‌ణాసి సినిమా చేస్తోంది. మ‌హేష్‌బాబు హీరోగా రాజ‌మౌళి ద‌ర్శ‌క‌త్వంలో రూపొందుతోన్న ఈ మైథ‌లాజిక‌ల్ అడ్వెంచ‌ర్ థ్రిల్ల‌ర్ సినిమాలో మందాకినిగా క‌నిపించ‌బోతుంది. ప్రియాంక చోప్రా చేస్తోన్న ఫ‌స్ట్ తెలుగు మూవీ ఇదే. అంతే కాకుండా ఈ సినిమాతోనే దాదాపు ఎనిమిదేళ్ల గ్యాప్ త‌ర్వాత ఇండియ‌న్ స్క్రీన్‌పైకి రీఎంట్రీ ఇవ్వ‌బోతుంది. వార‌ణాసి కోసం ప్రియాంక చోప్రా 30 కోట్ల వ‌ర‌కు రెమ్యూన‌రేష‌న్ తీసుకున్న‌ట్లు స‌మాచారం.