Trisha | ఆ స్థానం నుంచి త్రిష పోటీ..?

Trisha | త‌మిళ‌నాడు అసెంబ్లీ ఎన్నిక‌ల్లో విజ‌య్ (Actor Vijay) రెండు స్థానాల్లోనూ విజ‌యం సాధించిన విష‌యం తెలిసిందే. తిరుచ్చి ఈస్ట్‌, పెరంబూర్.. రెండు స్థానాల్లోనూ విజ‌య్ గెలుపొందారు. దీంతో ఆయ‌న ఒక స్థానానికి రాజీనామా చేయాల్సి ఉంటుంది. తిరుచ్చి ఈస్ట్ (Trichy East) స్థానానికి రిజైన్ చేయాల‌ని విజ‌య్ నిర్ణ‌యం తీసుకున్న‌ట్లు స‌మాచారం. ఆయ‌న రాజీనామా త‌ర్వాత (TVK ticket) ఆ స్థానం నుంచి ప్ర‌ముఖ న‌టి, విజ‌య్ స‌న్నిహితురాలు త్రిష (Trisha) పోటీకి దిగే అవ‌కాశం ఉంద‌ని ప్ర‌చారం జ‌రుగుతోంది. ఇదే జ‌రిగితే టీవీకే ప్ర‌భుత్వంలో త్రిష చ‌క్రం తిప్ప‌నున్న‌ట్లు త‌మిళ రాజ‌కీయ వ‌ర్గాల్లో తీవ్రంగా చ‌ర్చ‌జ‌రుగుతోంది.

త్రిష‌కు డిప్యూటీ సీఎం..?

త్రిష‌ను ఉప ఎన్నిక బ‌రిలోకి దింపాల‌ని విజ‌య్ కూడా భావిస్తున్న‌ట్లు టాక్ న‌డుస్తోంది. అక్క‌డి నుంచి త్రిష‌ను గెలిపించి ఆమెకు డిప్యూటీ సీఎం పదవి ఇస్తారంటూ ప్ర‌చారం జ‌రుగుతోంది. అయితే, దీనిపై ఎలాంటి అధికారిక ప్ర‌క‌ట‌నా వెలువ‌డ‌లేదు.

234 సభ్యులున్న త‌మిళ‌నాడు అసెంబ్లీకి ఏప్రిల్ 23న ఎన్నిక‌లు జ‌రిగిన విష‌యం తెలిసిందే. నిన్న ఫ‌లితాలు వెల్ల‌డ‌య్యాయి. ఈ ఫ‌లితాల్లో విజ‌య్ నేతృత్వంలోని తమిళగ వెట్రి కళగం (TVK) ఊహించిన రీతిలో భారీ విజ‌యం న‌మోదు చేసింది. ఏకంగా 108 స్థానాల్లో గెలిచి అతిపెద్ద పార్టీగా అవతరించింది. మెజారిటీకి అవసరమైన 118 స్థానాలకు కొద్దిదూరంలోనే ఆగిపోయింది. దీంతో ప్ర‌భుత్వ ఏర్పాటుకు ఇత‌ర పార్టీల మ‌ద్ద‌తుకోరే ప‌నిలో ప‌డ్డారు విజ‌య్‌.

Also Read..

మే 9న బెంగాల్ నూత‌న సీఎం ప్ర‌మాణ స్వీకారం : బీజేపీ

డీఎంకే ఓట‌మి.. సీఎం ప‌ద‌వికి స్టాలిన్ రాజీనామా

మోదీకి ఇక తిరుగులేదు.. టీవీకే దెబ్బ‌కు డీఎంకే విల‌విల‌.. ఎన్నిక‌ల ఫ‌లితాల‌పై పాశ్చాత్య మీడియా