Megastar | గూగుల్ మ్యాప్స్‌ను న‌మ్ముకొని అర్ధ‌రాత్రి దారి త‌ప్పిన మెగాస్టార్ – సాయం చేసిన అభిమాని

Megastar |  అర్ధ‌రాత్రి రెండు గంట‌ల స‌మ‌యం...గూగుల్ మ్యాప్స్‌ను న‌మ్ముకొని తెలియ‌ని ఏరియాలోని ప్ర‌యాణించిన ఓ స్టార్ హీరో దారి త‌ప్పిపోయాడు. గంట‌కుపైగా తిరిగినా స‌రైన గ‌మ్యం క‌నిపించ‌లేదు. అలాంటి టైమ్‌లోనే ఓ అభిమాని స్టార్ హీరోకు సాయంగా నిలిచాడు. స‌ద‌రు అభిమాని మంచి మ‌న‌సుకు హీరో ఫిదా అయ్యాడు. ఆ క‌థానాయ‌కుడు మ‌రెవ‌రో కాదు మెగాస్టార్ మ‌మ్ముట్టి. ప్ర‌స్తుతం నిదీష్ ద‌ర్శ‌క‌త్వంలో ఓ యాక్ష‌న్ థ్రిల్ల‌ర్ మూవీ చేస్తున్నాడు మ‌మ్ముట్టి. ఈ సినిమా షూటింగ్ త‌మిళ‌నాడులోని క‌రైకూడిలో జ‌రుగుతోంది.

మ‌ల‌యాళ మూవీ షూటింగ్‌...

షూటింగ్ ముగించుకున్న ముమ్ముట్టి శుక్ర‌వారం రాత్రి క‌రైకూడి నుంచి రోడ్డు మార్గంలో కేర‌ళ బ‌య‌లుదేరారు. మ‌మ్ముట్టి వెంట‌ మేనేజ‌ర్ జార్జ్‌తో పాటు ప్రొడ్యూస‌ర్ ఆంటోనీ జోసెఫ్‌, యాక్ట‌ర్ క‌మ్ ఎమ్మెల్యే ర‌మేష్ పిషారోడి కూడా కూడా ఉన్నారు.

గూగుల్ మ్యాప్స్‌ను న‌మ్ముకొని

కేర‌ళ‌కు స‌మీపంలో ఉండ‌గా తిరుప్పూర్ ద‌గ్గ‌ర‌లో వారు వెళ్లాల్సిన నేష‌న‌ల్ హైవే మ‌ర‌మ్మ‌త్తుల కార‌ణంగా మూసివేశారు. గూగుల్ మ్యాన్స్ న‌మ్ముకొని మ‌రో రూట్‌లో కేర‌ళ వెళ్లాల‌ని మ‌మ్ముట్టి అత‌డి స్నేహితులు ప్ర‌య‌త్నించారు. కొంత దూరం వెళ్లిన త‌ర్వాత గూగుల్ మ్యాప్స్ స‌రిగ్గా ప‌నిచేయ‌క‌పోవ‌డంతో దారిత‌ప్పిపోయారు. దాదాపు గంట పాటు తిరిగినా న‌రైన రూటు క‌నిపించ‌లేదు. దాంతో వెన‌క్కి వెళ్లిపోవాల‌ని అనుకుంటున్న టైమ్‌లోనే పాండియ‌న్ అనే అభిమాని మ‌మ్ముట్టిని గుర్తుప‌ట్టి అత‌డికి సాయం చేశాడు.

అభిమాని సాయం...

పాండియ‌న్ త‌న బైక్‌పై ప్ర‌యాణిస్తూ ముమ్ముట్టి కి దారి చూపించాడు. అత‌డి బైక్‌ను మ‌మ్ముట్టి ఫాలో అయ్యాడు. దాదాపు ప‌దిహేను కిలోమీట‌ర్లు ప్ర‌యాణించి వారికి స‌రైన రూట్‌కు తీసుకెళ్లాడు. పాండియ‌న్ చేసిన సాయానికి మ‌మ్ముట్టి కారు నుంచి దిగి అత‌డికి కృత‌జ్ఞ‌త చెప్పాడు. అత‌డితో క‌లిసి ఫొటో దిగాడు. ఈ రోజు నుంచి నువ్వు నాకు స్నేహితుడివే అంటూ మ‌మ్ముట్టి చెప్పారు. ఇందుకు సంబంధించిన వీడియో సోష‌ల్ మీడియాలో చ‌క్క‌ర్లు కొడుతోంది. త‌మ‌కు ఎదురైన అనుభ‌వాన్ని యాక్ట‌ర్ ర‌మేష్ పిషారోడి అభిమానుల‌తో పంచుకున్నారు. పాండియ‌న్‌పై నెటిజ‌న్లు ప్ర‌శంస‌లు కురిపిస్తున్నారు.

வழி காட்டிய பாண்டியனுக்கு #Mammootty கொடுத்த நெகிழ்ச்சியான பரிசு! 🫂❤️

நள்ளிரவில் சாலையில் சிக்கித் தவித்த மம்மூட்டிக்கு உதவிய பாண்டியன், தனது பைக்கில் முன்னால் சென்று கேரளா செல்லும் பாதையை காட்டியுள்ளார்.

அவருக்கு நன்றி கூறிய மம்மூட்டி, திடீரென காரிலிருந்து இறங்கி பாண்டியனை…

— Balaji (@RDBalaji) August 15, 2026