Jason Sanjay | సీఎం విజ‌య్ కొడుకు డెబ్యూ మూవీ రిలీజ్ డేట్ ఫిక్స్ – వెంక‌టేష్, త్రివిక్ర‌మ్ సినిమాతో పోటీ!

Jason Sanjay | త‌మిళ‌నాడు సీఎం ద‌ళ‌ప‌తి విజ‌య్ త‌న‌యుడు జాస‌న్ సంజ‌య్ సిగ్మా మూవీతో ద‌ర్శ‌కుడిగా అరంగేట్రం చేస్తున్నాడు. సందీప్ కిష‌న్ హీరోగా న‌టిస్తున్న ఈ మూవీ త‌మిళంతో పాటు తెలుగులోనూ సేమ్ టైటిల్‌తో రిలీజ్ కాబోతుంది. ఫ‌రియా అబ్దుల్లా హీరోయిన్‌గా న‌టించిన ఈ మూవీలో కేథ‌రిన్ ఓ స్పెష‌ల్ సాంగ్ చేసింది.

జ‌న‌నాయ‌గ‌న్ కార‌ణంగా...

ఈ ఏడాది జూలై 31న సిగ్మాను థియేట‌ర్ల‌లో రిలీజ్ చేయాల‌ని మేక‌ర్స్ ప్లాన్ చేశారు. కానీ జూలై 23న ద‌ళ‌ప‌తి విజ‌య్ జ‌న‌నాయ‌గ‌న్ రిలీజ్ కావ‌డంతో సిగ్మా వాయిదాప‌డింది. తండ్రి ద‌ళ‌ప‌తి విజ‌య్ సినిమా కోసం జాస‌న్ సంజ‌య్ త‌న డెబ్యూ మూవీని పోస్ట్‌పోన్ చేసిన‌ట్లు ప్ర‌చారం జ‌రిగింది.

వెంక‌టేష్‌తో పోటీ...

తాజాగా సిగ్మా కొత్త రిలీజ్ డేట్‌ను మేక‌ర్స్ మంగ‌ళ‌వారం రివీల్ చేశారు. అక్టోబ‌ర్ 2న ఈ యాక్ష‌న్ అడ్వెంచ‌ర్ మూవీ ప్రేక్ష‌కుల ముందుకు రానున్న‌ట్లు ప్ర‌క‌టించారు. ఓ కొత్త పోస్ట‌ర్‌ను రిలీజ్ చేశారు. అక్టోబ‌ర్ 2న వెంక‌టేష్‌, త్రివిక్ర‌మ్ కాంబినేష‌న్‌లో తెర‌కెక్కుతోన్న ఆద‌ర్శ కుటుంబం థియేట‌ర్ల‌లోకి రాబోతుంది. వెంక‌టేష్ సినిమాకు పోటీగా జాస‌న్ సంజ‌య్ తొలి మూవీ విడుద‌ల కానుండ‌టం ఆస‌క్తిక‌రంగా మారింది.

తండ్రితో అనుబంధం...

సిగ్మా మూవీని లైకా ప్రొడ‌క్ష‌న్స్ సంస్థ నిర్మిస్తోంది. జాస‌న్ సంజ‌య్ డెబ్యూ మూవీ కావ‌డంతో త‌మిళ‌నాట ఈ సినిమాపై భారీగా క్రేజ్ నెల‌కొంది. సిగ్మా ప్ర‌మోష‌న్స్‌లో తండ్రితో త‌న‌కున్న అనుబంధంపై జాస‌న్ సంజ‌య్ ఆస‌క్తిక‌ర కామెంట్లు చేశారు. ఫిల్మ్ మేకింగ్ కోర్సు చేస్తానంటే తొలుత తండ్రి త‌న‌ను ప్రోత్స‌హించాడ‌ని చెప్పాడు. తండ్రి ద‌ళ‌ప‌తి విజ‌య్ హీరోగా త‌న ద‌ర్శ‌క‌త్వంలో ఓ సినిమా చేయాల‌న్న‌దే డ్రీమ్ అని జాస‌న్ సంజ‌య్ అన్నాడు. సిగ్మా మూవీకి త‌మ‌న్ మ్యూజిక్ అందించాడు. రాజు సుంద‌రం, సంప‌త్ రాజ్ కీల‌క పాత్ర‌ల్లో న‌టించారు.