Tasmac Cooling Charge Scam | రూ.160 బీరుకు రూ.170.. సీఎం విజయ్‌కు యువకుడి ఫిర్యాదు.. VIDEO

• బీరుకు 'కూలింగ్ చార్జ్' దోపిడీ
• సోషల్ మీడియాలో యువకుడి వీడియో వైరల్
• సీఎం విజయ్‌కు నేరుగా ఫిర్యాదు

Tasmac Cooling Charge Scam | త్రినేత్ర.న్యూస్ : రాష్ట్రంలో అవినీతిని అంతమొందించేందుకు, అక్రమాలపై గళమెత్తాలని సీఎం విజయ్ ఇచ్చిన పిలుపునకు విశేష స్పందన లభిస్తోంది. తాజాగా ఓ యువకుడు ప్రభుత్వ వైన్ షాపుల్లో జరుగుతున్న పగటి దోపిడీని సాక్ష్యాలతో సహా ఎండగట్టాడు. కూలింగ్ ఛార్జ్ (Cooling charge) పేరుతో సామాన్యుల జేబులకు ఎలా చిల్లులు పెడుతున్నారో వివరిస్తూ ఓ వీడియోను తీసి సోషల్ మీడియాలో పోస్ట్ చేశాడు.

అసలేం జరిగిందంటే..

సదరు యువకుడు ఓ ప్రభుత్వ వైన్ షాపుకు వెళ్లి బీరు కొనుగోలు చేశాడు. అయితే, దాని ఎంఆర్‌పీ (MRP) ధర రూ. 160 కాగా, షాపు నిర్వాహకులు మాత్రం రూ. 170 వసూలు చేశారు. అదనంగా పది రూపాయలు ఎందుకు తీసుకుంటున్నారని ఆ యువకుడు ప్రశ్నించగా.. అది 'కూలింగ్ ఛార్జ్' అని షాపు సిబ్బంది సమాధానమిచ్చారు.

సీఎం విజయ్‌కు ట్యాగ్..

ఈ అక్రమాన్ని చూసి మౌనంగా ఉండని ఆ యువకుడు, వెంటనే తన మొబైల్ తీసి వీడియో రికార్డ్ చేశాడు. బీరుకు అసలు కూలింగే లేకపోయినా, అదనపు డబ్బులు ఎలా వసూలు చేస్తారని వీడియోలో నిలదీశాడు. అనంతరం ఆ వీడియోను నేరుగా సీఎం విజయ్‌కు ట్యాగ్ చేసి తన ఫిర్యాదును నమోదు చేశాడు.

కాంట్రాక్ట్ రద్దుకు డిమాండ్..

నిబంధనలకు విరుద్ధంగా వ్యవహరిస్తూ, ప్రజల నుంచి అదనపు డబ్బులు వసూలు చేస్తున్న సదరు వైన్ షాప్ యాజమాన్యంపై కఠిన చర్యలు తీసుకోవాలని ఆ యువకుడు కోరాడు. వెంటనే ఆ షాప్ కాంట్రాక్ట్‌ను రద్దు చేయాలని సీఎంకు విజ్ఞప్తి చేశాడు. ప్రస్తుతం ఈ వీడియో నెట్టింట వైరల్‌గా మారి, నెటిజన్ల నుంచి విశేష మద్దతు పొందుతోంది.

బీరుకు కూలింగ్ ఛార్జ్.. CM విజయ్‌కు ఫిర్యాదు

అవినీతిపై ఫిర్యాదు చేయాలన్న సీఎం విజయ్ పిలుపును అందుకున్న ఓ యువకుడు ప్రభుత్వ వైన్ షాపు అక్రమాలను ఎండగట్టాడు. షాపులో రూ.160 బీరుకు 'కూలింగ్ ఛార్జ్' పేరిట రూ.170 వసూలు చేయడాన్ని ప్రశ్నిస్తూ వీడియో తీశాడు. ఆ వీడియోను సీఎం విజయ్‌కు ట్యాగ్… pic.twitter.com/45fVJiXtLL

— ChotaNews App (@ChotaNewsApp) July 15, 2026