ACB Raids | డీఎస్పీ భీమ్‌రెడ్డి ఇంట్లో ఏసీబీ సోదాలు.. ఏక‌కాలంలో 20 చోట్ల దాడులు

ACB Raids | త్రినేత్ర‌.న్యూస్‌: ఆదాయానికి మించి ఆస్తులు కూడ‌బెడుతున్న అవినీతి అధికారుల‌పై ఏసీబీ (ACB Raids) ఉక్కుపాదం మోపుతున్న‌ది. వ‌రుసగా దాడులు నిర్వ‌హిస్తూ అక్ర‌మాస్తులు కూడ‌బెడుతున్న వారి భ‌ర‌తం ప‌డుతున్న‌ది. ఇందులో భాగంగా డీఎస్పీ భీమ్‌రెడ్డి ఇంట్లో ఏసీబీ అధికారులు సోదాలు చేస్తున్నారు.

రాష్ట్రవ్యాప్తంగా 20 ప్రాంతాల్లో తనిఖీలు కొనసాగుతున్నాయి. నార్సింగిలోని వేసెల్లా మెడోస్‌లోని భీమ్‌రెడ్డి ఇల్లు సహా రాష్ట్ర వ్యాప్తంగా 20 చోట్ల ఏక‌కాలంలో చేస్తున్నారు. హైదరాబాద్, సైబరాబాద్ పోలీస్ కమిషనరేట్‌లో పనిచేసిన భీమ్‌రెడ్డిపై ఆదాయానికి మించిన ఆస్తులు కూడబెట్టారని ఆరోపణలు ఉన్నాయి. భీమ్‌రెడ్డి ప్రస్తుతం డీజీపీ ఆఫీస్​లోని కంప్యూటర్ సర్వీసెస్‌లో డీఎస్పీగా పని చేస్తున్నారు.