Heavy Rains | మునిగిన గుజ‌రాత్‌.. ముంబైకి రెడ్ అల‌ర్ట్

Heavy Rains | దేశ ఆర్థిక రాజ‌ధాని ముంబై (Mumbai)ని గ‌త కొన్ని రోజులుగా భారీ వ‌ర్షాలు (Heavy Rains) ముంచెత్తుతున్నాయి. రుతుప‌వ‌నాల ప్ర‌భావంతో గ‌త వారం రోజులుగా కురుస్తున్న వ‌ర్షాల‌కు ముంబై స‌హా స‌మీప ప్రాంతాలు అత‌లాకుత‌ల‌మ‌వుతున్నాయి. అనేక ప్రాంతాలు నీట మునిగాయి. ప్ర‌ధాన ర‌హ‌దారులు న‌దుల‌ను త‌ల‌పిస్తున్నాయి. అనేక చోట్ల చెట్లు నెల‌కూలుతున్నాయి. ఈ భారీ వ‌ర్షాల‌కు జ‌న‌జీవ‌నం అస్త‌వ్య‌స్త‌మైంది.

ఈ క్ర‌మంలో ముంబై న‌గ‌రానికి భార‌త వాతావ‌ర‌ణ శాఖ (IMD) రెడ్ అల‌ర్ట్ జారీ చేసింది. న‌గ‌రంతోపాటూ శివారు ప్రాంతాల్లో భారీ నుంచి అతి భారీ వ‌ర్షాలు కురిసే అవ‌కాశం ఉంద‌ని తెలిపింది. కొన్ని ప్రాంతాల్లో అత్యంత భారీ వ‌ర్షాల‌తోపాటూ గంట‌కు 60 కిలోమీట‌ర్ల వేగంతో ఈదురుగాలులు వీచే ప్ర‌మాదం ఉంద‌ని హెచ్చ‌రించింది. ఇక గ‌డిచిన 24 గంట‌ల్లో ముంబై న‌గ‌రంలోని ప‌లు ప్రాంతాల్లో 100 మీట‌ర్ల కంటే ఎక్కువ వ‌ర్ష‌పాతం న‌మోదైన‌ట్లు మున్సిప‌ల్ అధికారులు తెలిపారు. ప్ర‌జార‌వాణా వ్య‌వ‌స్థ య‌థావిధిగా కొన‌సాగుతోంద‌ని చెప్పారు. భారీ వ‌ర్షాల కార‌ణంగా ముంబై స‌బ‌ర్బ‌న్ లోక‌ల్ రైళ్లు ఆల‌స్యంగా న‌డుస్తున్న‌ట్లు చెప్పారు. ఫ‌లితంగా ప్ర‌యాణికులు అవ‌స్థ‌లు ప‌డుతున్నారు. భారీ వ‌ర్షాల నేప‌థ్యంలో ప‌లు జిల్లాలో పాఠ‌శాల‌ల‌కు అధికారులు సెల‌వు ప్ర‌క‌టించారు.

#WATCH | Navi Mumbai, Maharashtra | After heavy rainfall in the area, an underpass in Sanpada faces severe waterlogging, posing significant inconvenience to commuters.

IMD has issued a 'Red Alert' in Navi Mumbai, forecasting "very heavy to extremely heavy rainfall." pic.twitter.com/94lAus4rbD

— ANI (@ANI) July 4, 2026

భారీ వ‌ర్షాల‌కు గుజ‌రాత్ అత‌లాకుత‌లం..

గుజ‌రాత్‌ను భారీ వ‌ర్షం ముంచెత్తింది. జామ్‌న‌గ‌ర్ (Jamnagar), జునాగ‌ఢ్ (Junagadh) ప్రాంతాలు భారీ వ‌ర్షాల ధాటికి తీవ్రంగా న‌ష్ట‌పోయాయి. ఎడ‌తెరిపి లేకుండా కురుస్తున్న వ‌ర్షాల కార‌ణంగా ప్ర‌ధాన ర‌హ‌దారుల‌న్నీ జ‌ల‌మ‌య‌మ‌య్యాయి. ప‌లు చోట్ల‌ ఆక‌స్మిక వ‌ర‌ద‌లు సంభ‌వించాయి. ప‌లు వాహ‌నాలు వ‌ర‌ద నీటిలో చిక్కుకుపోయాయి. రంగంలోకి దిగిన రెస్యూ టీమ్ వాహ‌నాల్లోని ప్ర‌యాణికుల‌ను తీవ్రంగా శ్ర‌మించి కాపాడింది. మ‌రో మూడు రోజులు గుజ‌రాత్ వ్యాప్తంగా భారీ వ‌ర్షాలు కురుస్తాయ‌ని వాతావ‌ర‌ణ శాఖ హెచ్చ‌రించింది.

#WATCH | Junagadh, Gujarat | Fire Department rescued people stranded in floodwaters near Samdhiyala village in the Mendarda area. (03.07)

(Video Source: Information Department) pic.twitter.com/ShRYjx70uq

— ANI (@ANI) July 4, 2026