Plucking Guavas | జామ‌ కాయ‌లు తెంపింద‌ని.. చిన్నారిని గొలుసుతో క‌ట్టేసి కొట్టిన మాజీ సైనికుడు

Plucking Guavas | త్రినేత్ర‌.న్యూస్‌: హిమాచ‌ల్‌ప్ర‌దేశ్‌లోని ఉనా జిల్లాలో అమాన‌వీయ ఘ‌ట‌న చోటుచేసుకున్న‌ది. అడ‌గ‌కుండా జామ కాయ‌లు తెంపింద‌ని మైన‌ర్ బాలిక‌ను మాజీ సైనికుడు గొలుసుతో క‌ట్టేసి, విచ‌క్ష‌ణా ర‌హితంగా కొట్టాడు. ఈ ఘ‌ట‌న‌పై కేసు న‌మోదుచేసిన పోలీసులు ద‌ర్యాప్తు చేస్తున్నారు.

ఓ వ‌ల‌స కుటుంబానికి చెందిన మైన‌ర్ బాలిక‌.. మాజీ సైనికుడి ఇంటి బ‌య‌ట‌ ఉన్న జామ చెట్టుకు కాయ‌ల‌ను అనుమ‌తి లేకుండా తెంపింది. ఈ సంద‌ర్భంగా ఆమెను ప‌ట్టుకున్న మాజీ సైనికుడు ఆమెను మెట్ల‌కు ఉన్న గ్రిల్స్‌కు ఇనుమ గొలుసుతో క‌ట్టేశాడు. అనంత‌రం ఆమెను విచ‌క్ష‌ణా ర‌హితంగా కొట్టాడు. అయితే అదే ఇంట్లో ప‌నిచేస్తున్న ఓ యువ‌కుడు దీనినంతా త‌న ఫోన్‌లో వీడియో తీశాడు. అనంత‌రం సోష‌ల్ మీడియాలో పోస్టు చేశాడు. విష‌యం తెలుసుకున్న పోలీసులు ఘ‌ట‌నా స్థ‌లానికి చేరుకుని బాలిక‌ను విడిపించారు. బాధిత కుటుంబం నుంచి వివ‌రాలు న‌మోదుచేశారు. నిందితుడిపై సంబంధిత సెక్ష‌న్ల కింద కేసు న‌మోదుచేశారు. కాగా, జ‌రిగిన ఘ‌ట‌న ప‌ట్ల మాజీ సైనికుడు ప‌శ్చాతాపం వ్య‌క్తంచేశాడు. బాలిక‌కు క్ష‌మాప‌ణ చెప్పాడు.