Toxic | ‘టాక్సిక్’ సినిమా చూడండి.. కానీ ఆ దృశ్యాల‌ను చిత్రీక‌రించకండి..

Toxic | రాకింగ్ స్టార్ య‌శ్ న‌టించిన టాక్సిక్ మూవీ 26న ప్ర‌పంచ వ్యాప్తంగా ప్రేక్ష‌కుల ముందుకు రానుంది. ఈ చిత్రంపై ప్రేక్ష‌కులు భారీగా అంచ‌నాలు పెంచుకున్నారు. చాలా కాలం త‌ర్వాత య‌శ్ వెండితెర‌పై క‌నిపించ‌బోతుండ‌డంతో.. అభిమానులు ఇప్ప‌టికే థియేట‌ర్ల వ‌ద్ద వాలిపోయారు. ఈ క్ర‌మంలో టాక్సిక్ టీమ్ కీల‌క ప్ర‌క‌ట‌న జారీ చేసింది.

Sahasra

Movies | Published On Aug 25, 2026, 9.57 pm IST

Toxic | ‘టాక్సిక్’ సినిమా చూడండి.. కానీ ఆ దృశ్యాల‌ను చిత్రీక‌రించకండి..

Toxic | త్రినేత్ర‌.న్యూస్ : రాకింగ్ స్టార్ య‌శ్ న‌టించిన టాక్సిక్ మూవీ 26న ప్ర‌పంచ వ్యాప్తంగా ప్రేక్ష‌కుల ముందుకు రానుంది. ఈ చిత్రంపై ప్రేక్ష‌కులు భారీగా అంచ‌నాలు పెంచుకున్నారు. చాలా కాలం త‌ర్వాత య‌శ్ వెండితెర‌పై క‌నిపించ‌బోతుండ‌డంతో.. అభిమానులు ఇప్ప‌టికే థియేట‌ర్ల వ‌ద్ద వాలిపోయారు. ఈ క్ర‌మంలో టాక్సిక్ టీమ్ కీల‌క ప్ర‌క‌ట‌న జారీ చేసింది.

‘టాక్సిక్: ఎ ఫెయిరీ టేల్ ఫర్ గ్రోన్-అప్స్’ అనేది మాకు కేవలం ఒక సినిమా మాత్రమే కాదు. ఎన్నో ఏళ్లుగా మేము ఫ్రేమ్ బై ఫ్రేమ్, సీన్ బై సీన్, ప్రతి చిన్న విషయాన్ని ఎంతో శ్రద్ధతో ఆలోచించి, మా హృదయాన్ని పెట్టి నిర్మించిన ఒక అద్భుతమైన ప్రపంచం. ఈ సినిమా నిర్మాణంలో, విడుదలలో భాగమైన ప్రతి టెక్నీషియన్, ఆర్టిస్ట్, చిత్ర యూనిట్ స‌భ్యుడితో పాటు అభిమానులు కూడా థియేటర్‌లో సరిగ్గా అలాంటి అనుభూతినే పొందాలని ఆశిస్తున్నాం. ఈ సినిమాను అందరూ కలిసి వెండితెర‌పై చూసి ఆస్వాదించాలనే ఉద్దేశంతోనే రూపొందించాం. ఈ సినిమాపై మీరు ఇప్పటికే చూపిస్తున్న ప్రేమ, ఉత్సాహం, అడ్వాన్స్ బుకింగ్స్ ద్వారా అందిస్తున్న భారీ మద్దతును మాటల్లో చెప్పలేనిది. మా ఈ ప్రయాణంలో మాకు అండగా నిలిచిన ప్రతి ఒక్కరికీ ధన్యవాదాలు. అయితే, మీ అందరినీ మేము ఒకే ఒక్క విషయాన్ని హృదయపూర్వకంగా అభ్యర్థిస్తున్నాము. ఈ సినిమా అనుభూతిని అది ఎలా సాగాలో అలాగే సాగనివ్వండి. థియేటర్లలో సినిమాలోని దృశ్యాలను రికార్డ్ చేయకండి. వాటిని సోషల్ మీడియాలో పోస్ట్ చేయకండి. కథలోని ట్విస్టులు, స్పాయిలర్లను బయటపెట్టకండి. ఈ సినిమా ప‌ట్ల అభిమానులకు ఉన్న అనుభూతిని చెడగొట్టకండి అని మూవీ యూనిట్ విజ్ఞ‌ప్తి చేసింది.