Yogalakshmi | టాలీవుడ్‌లోకి ఎంట్రీ ఇస్తోన్న టూరిస్ట్ ఫ్యామిలీ హీరోయిన్ – అచ్చ తెలంగాణ అమ్మాయిగా!

Yogalakshmi |  త‌మిళ‌ మూవీ టూరిస్ట్ ఫ్యామిలీ చిన్న సినిమాగా రిలీజై సెన్సేష‌న‌ల్ హిట్‌గా నిలిచింది. రాజ‌మౌళి వంటి దిగ్గ‌జ ద‌ర్శ‌కుల‌ను మెప్పించింది. కేవ‌లం ఏడు కోట్ల బ‌డ్జెట్‌తో రూపొందిన ఈ కోలీవుడ్ మూవీ 90 కోట్ల‌కుపైగా క‌లెక్ష‌న్లు ద‌క్కించుకుంది. టూరిస్ట్ ఫ్యామిలీ మూవీతో యోగ‌ల‌క్ష్మి ఓవ‌ర్‌నైట్‌లోనే కోలీవుడ్‌లో ఫేమ‌స్ అయ్యింది. ప్ర‌స్తుతం త‌మిళంలో శింబు అర‌స‌న్‌తో పాటు హీరోయిన్‌గా మ‌రో నాలుగు సినిమాలు చేస్తోంది.

ఓటీటీ మూవీతో...

ఓటీటీ మూవీతో యోగ‌ల‌క్ష్మి టాలీవుడ్‌లోకి తొలి అడుగు వేయ‌బోతుంది. ఈటీవీ విన్ ఓటీటీ నిర్మిస్తోన్న జిల్లేడుచెట్టు సినిమాలో క‌థానాయిక‌గా న‌టిస్తోంది. ద‌స‌రా, ది గ‌ర్ల్‌ఫ్రెండ్ సినిమాల ఫేమ్ దీక్షిత్ శెట్టి హీరోగా న‌టిస్తోన్న ఈ సినిమాకు శ్రావ‌ణ్ విక్ట‌ర్ ఐపూరి ద‌ర్శ‌క‌త్వం వ‌హిస్తున్నారు.

బ‌తుక‌మ్మ వీడియో...

జిల్లేడు చెట్టు సినిమాలో యోగ‌ల‌క్ష్మి హీరోయిన్‌గా న‌టిస్తోన్న‌ట్లు మేక‌ర్స్ బుధ‌వారం అఫీషియ‌ల్‌గా ప్ర‌క‌టించారు. ఓ వీడియోను రిలీజ్ చేశారు. ఇందులో బ‌తుక‌మ్మ ఆడుతూ ఈ త‌మిళ బ్యూటీ క‌నిపిస్తోంది. ఆమె అందానికి ఫిదా అయిన యువ‌కుడిగా దీక్షిత్ శెట్టి క‌నిపించాడు. బ్యాక్‌డ్రాప్‌లో బ‌తుక‌మ్మ పాట వినిపించ‌డం ఆక‌ట్టుకుంటోంది. ఈ సినిమాలో అచ్చ తెలంగాణ అమ్మాయిగా యోగ‌ల‌క్ష్మి క‌నిపించ‌బోతున్న‌ట్లు స‌మాచారం.

తెలంగాణ సంస్కృతి....

ఆధునిక‌త కార‌ణంగా మ‌నుషుల మ‌ధ్య దూరం ఎలా పెరిగింద‌నే మెసేజ్‌తో తెలంగాణ బ్యాక్‌డ్రాప్‌లో జిల్లేడు చెట్టు మూవీ తెర‌కెక్కుతోంది. తెలంగాణ సంస్కృతి, యాస‌, భాష‌ల‌తో ద‌ర్శ‌కుడు శ్రావ‌ణ్ ఈ సినిమాను తెర‌కెక్కించ‌బోతున్నారు. ఈ సినిమాకు సురేష్ బొబ్బిలి మ్యూజిక్ అందిస్తున్నాడు. థియేట‌ర్ల‌లో కాకుండా నేరుగా ఓటీటీలో జిల్లేడు చెట్టు మూవీ రిలీజ్ కాబోతుంది.

ప్ర‌స్తుతం యోగ‌ల‌క్ష్మి త‌మిళంలో శింబు అర‌స‌న్‌ సినిమాలో హీరోయిన్‌గా న‌టిస్తోంది. ఈ సినిమాతో పాటు పికాసో, మ్యాచ్‌ఫిక్సింగ్ సినిమాలు చేస్తోంది. హార్ట్‌బీట్‌, కోర్ట్ వెబ్‌సిరీస్‌లు ఈ త‌మిళ సుంద‌రికి మంచి పేరు తెచ్చిపెట్టాయి.

 

View this post on Instagram

 

A post shared by Jilledu Chettu Movie (@jilleduchettu_movie)