Rajinikanth | నేను మాట్లాడినా త‌ప్పే.. మాట్లాడ‌క‌పోయినా త‌ప్పే : ర‌జ‌నీకాంత్‌

Rajinikanth | స‌హ‌న‌టుడు, త‌మిళ‌నాడు ముఖ్య‌మంత్రి విజయ్ సాధించిన రాజకీయ విజయం, ఎదుగుద‌ల‌ను చూసి తాను అసూయపడుతున్నట్లు వస్తున్న పుకార్లపై తమిళ సూపర్ స్టార్ రజనీకాంత్ (Rajinikanth) స్పందించారు. ఈ మేర‌కు తీవ్ర అస‌హ‌నం వ్య‌క్తం చేశారు. చెన్నైలో జరిగిన ఓ కార్యక్రమంలో పాల్గొన్న ర‌జ‌నీకాంత్‌.. త‌న‌కు బ‌హిరంగంగా మాట్లాడాలంటేనే భ‌య‌మేస్తోంద‌న్నారు. తాను మాట్లాడినా, మాట్లాడ‌క‌పోయినా త‌ప్పే అవుతోంద‌ని ఆవేద‌న వ్య‌క్తం చేశారు.

“వేదిక‌పై నన్ను మాట్లాడమని అడిగితే.. నేను మాట్లాడటానికి సంకోచిస్తాను. ఎందుకంటే నేను ఏం మాట్లాడినా అది నాకూ, ఇత‌రుల‌కూ స‌మ‌స్య‌గా మారుతోంది. ఎప్పుడూ ఏదో ఒక వివాదాన్ని రేపుతోంది. ఒక‌వేళ నేను మౌనంగా ఉన్నానే అనుకోండి.. ఎందుకు మౌనంగా ఉన్నారు..? అంటూ కొంద‌రు న‌న్ను విమ‌ర్శిస్తారు. అదే మాట్లాడితే ఓహ్ ఇప్పుడు ఆయ‌న ఎందుకు మాట్లాడుతున్నారు.. అని కొంద‌రు, అస‌లు మాట్లాడ‌కుండా ఉండాల్సింది క‌దా అని మ‌రికొంద‌రు అంటారు. ఇవ‌న్నీ విన్నాక‌ చివ‌రికి నాకు ఒక‌టి అర్థ‌మైంది. మ‌న‌ల్ని ఇష్టపడని వారికి మ‌నం ఏం చెప్పినా, ఏం చేసినా, ఏం మాట్లాడినా న‌చ్చ‌దు. ఇప్పుడు మనల్ని ఇష్టపడే కొందరు.. భవిష్యత్తులో కూడా అలాగే ఇష్టపడతారని అనుకోవడం మూర్ఖత్వమే అవుతుంది. కాబట్టి మనం జాగ్రత్తగా ఉండాలి” అని ర‌జ‌నీకాంత్ చెప్పుకొచ్చారు. ప్ర‌స్తుతం ఆయ‌న కామెంట్స్ వైర‌ల్ అవుతున్నాయి.

రజినీకాంత్ హీరోగా తెరకెక్కుతున్న ప్రతిష్టాత్మక చిత్రం ‘తలైవర్ 173’. ఈ క్రేజీ ప్రాజెక్ట్‌కు ‘ధర్మన్’ (Dharman) అనే పవర్‌ఫుల్ టైటిల్‌ను ఖరారు చేశారు. క‌మ‌ల్ హాస‌న్ నిర్మాత‌గా వ్య‌వ‌హ‌రిస్తున్నారు. అశ్వత్ మారిముత్తు ఈ చిత్రానికి దర్శకత్వం వహిస్తున్నారు. రాక్‌స్టార్ అనిరుధ్ రవిచందర్ సంగీతం అందిస్తుండగా, అన్బరివ్ మాస్టర్స్ యాక్షన్ కొరియోగ్రఫీ బాధ్యతలు చేపట్టారు.

தர்மமே வெல்லும்!#Dharman #Thalaivar173 #SuperstarRajinikanth @rajinikanth #Mahendran @Dir_Ashwath @anirudhofficial @anbariv @RKFI @turmericmediaTM @magizhmandram pic.twitter.com/9ghF9XgboI

— Kamal Haasan (@ikamalhaasan) June 24, 2026