Shruthi Haasan | హాలీవుడ్ సినిమాలో శృతి హస‌న్ – స‌మంత ఛాన్స్ కొట్టేసిన క‌మ‌ల్ త‌న‌య‌

Shruthi Haasan |  చెన్నై బ్యూటీ శృతి హాస‌న్ ఓ హాలీవుడ్ సినిమాకు గ్రీన్ సిగ్న‌ల్ ఇచ్చింది. స‌మంత చేయాల్సిన పాత్ర‌లో క‌మ‌ల్ త‌న‌య క‌నిపించ‌బోతుంది. స‌మంత హీరోయిన్‌గా బాఫ్టా అవార్డు గ్ర‌హీత ఫిలిప్ జాన్ ద‌ర్శ‌క‌త్వంలో ది అరెంజ్‌మెంట్స్ ఆఫ్ ల‌వ్ పేరుతో రెండేళ్ల‌ క్రితం ఈ మూవీని అనౌన్స్ చేశారు. స‌మంత ఫ‌స్ట్ హాలీవుడ్ మూవీ కావ‌డంతో ప్ర‌క‌ట‌న‌తోనే తెలుగు ఆడియెన్స్‌లో ఈ సినిమా ఆస‌క్తిని రేకెత్తించింది. స‌మంత మ‌యోసైటిస్ బారిన ప‌డ‌టం, విడాకుల కార‌ణంగా షూటింగ్ ఆల‌స్య‌మైంది. మా ఇంటి బంగారం త‌ర్వాత ఈ హాలీవుడ్ సినిమాను సెట్స్‌పైకి తీసుకురావాల‌ని ప్లాన్ చేశారు. కానీ తాను త‌ల్లి కాబోతున్న‌ట్లు స‌మంత ప్ర‌క‌టించ‌డం మ‌రోసారి ఈ హాలీవుడ్ మూవీ షూటింగ్ డైల‌మాలో ప‌డింది.

స‌మంత ప్లేస్‌లో...

తాజాగా స‌మంతను ప‌క్క‌న‌పెట్టిన మేక‌ర్స్ ఆమె స్థానంలో శృతి హాస‌న్‌ను హీరోయిన్‌గా ఫైన‌ల్ చేసిన‌ట్లు స‌మాచారం. హాలీవుడ్ మూవీ కావ‌డం, ఛాలెంజింగ్‌గా ద‌ర్శ‌కుడు త‌న పాత్ర‌ను రాసిన తీరు న‌చ్చ‌డంతో అరెంజ్‌మెంట్స్ ఆఫ్ ల‌వ్‌లో భాగం కావ‌డానికి శృతి హాస‌న్ అంగీక‌రించిన‌ట్లు చెబుతోన్నారు. ఈ సినిమాలో అను డిటెక్టివ్ గా ఈ చెన్నై బ్యూటీ క‌నిపించ‌బోతుంది.

లేడీ డెటెక్టివ్‌...

త‌న సొంత తండ్రిని వెతుక్కుంటూ అమెరికా నుంచి ఇండియాకు వ‌స్తాడు ఓ యువ‌కుడు.  పోలీసులు అత‌డిని ఉగ్ర‌వాదిగా అనుమానిస్తారు. తండ్రికి సంబంధించిన ఆధారాలు మిస్స‌వుతాయి. అదే టైమ్‌లో అత‌డికి ఓ లేడీ డిటెక్టివ్ సాయం చేస్తుంది. ఈ జ‌ర్నీలో ఆ అమెరిక‌న్ యువ‌కుడితో శృతి హాస‌న్ ప్రేమ‌లో ప‌డుతుంది? త‌న తండ్రిని ఆ యువ‌కుడు క‌లుసుకున్నాడా? లేదా? అనే అంశాల‌తో ఈ మూవీ రూపొందుతోంది. ది అరెంజ్‌మెంట్స్ ఆఫ్ ల‌వ్ పేరుతో తిమోరి ఎన్ మురారి రాసిన న‌వ‌ల ఆధారంగా ఈ మూవీ రూపొందుతోంది. ఇంగ్లీష్‌తో పాటు త‌మిళంలో ఈ సినిమాను రూపొందిస్తోన్నారు.