anirudh | అల్లు అర్జున్ సినిమాకు అనిరుధ్ షాకింగ్ రెమ్యూన‌రేష‌న్ – రెహ‌మాన్‌ను దాటేశాడుగా!

anirudh |  అల్లు అర్జున్ హీరోగా లోకేష్ క‌న‌గ‌రాజ్ ద‌ర్శ‌క‌త్వంలో ఓ పాన్ ఇండియ‌న్ మూవీ తెర‌కెక్కుతోంది. సూప‌ర్ హీరో కాన్సెప్ట్‌తో యాక్ష‌న్ థ్రిల్ల‌ర్‌గా తెర‌కెక్కుతోన్న ఈ సినిమాను మైత్రీ మూవీ మేక‌ర్స్ నిర్మిస్తోంది. ఈ ఏడాది జ‌న‌వ‌రిలో అఫీషియ‌ల్‌గా అనౌన్స్‌చేశారు. ఓ వీడియోను రిలీజ్ చేశారు. ఏఏ 23 పేరుతో విడుద‌ల చేసిన ఈ వీడియో రికార్డ్ వ్యూస్‌ను సొంతం చేసుకుంది. ఈ ఏడాది చివ‌ర‌లో ఈ సినిమా సెట్స్‌పైకి వ‌చ్చే అవ‌కాశం ఉంద‌ని అంటున్నారు.

21 కోట్లు...

అల్లు అర్జున్, లోకేష్ క‌న‌గ‌రాజ్ సినిమాకు కోలీవుడ్ స్టార్ మ్యూజిక్ డైరెక్ట‌ర్ అనిరుధ్ సంగీతం అందించ‌బోతున్నారు. కాగా ఈ సినిమా కోసం అనిరుధ్ రెమ్యూన‌రేష‌న్ టాలీవుడ్ వ‌ర్గాల్లో ఆస‌క్తిక‌రంగా మారింది. అల్లు అర్జున్ మూవీ కోసం ఈ మ్యూజిక్ డైరెక్ట‌ర్‌ 21 కోట్ల రెమ్యూన‌రేష‌న్ డిమాండ్ చేశాడ‌ట‌. కోలీవుడ్ మ్యూజిక్ డైరెక్ట‌ర్ కెరీర్‌లోనే ఇదే హ‌య్యెస్ట్ అని టాక్‌.

ఆరు కోట్లు పెంచేశాడా?

నాని ప్యార‌డైజ్ కోసం 15 కోట్ల రెమ్యూన‌రేష‌న్ స్వీక‌రించిన అనిరుధ్‌...అల్లు అర్జున్ మూవీ కోసం మ‌రో ఆరు కోట్ల వ‌ర‌కు పెంచిన‌ట్లు ప్ర‌చారం జ‌రుగుతోంది. అనిరుధ్‌కు సౌత్‌లో ఉన్న ఫాలోయింగ్ కార‌ణంగా అత‌డు కోరినంత మొత్తాన్ని ఇవ్వ‌డానికి నిర్మాత‌లు అంగీక‌రించిన‌ట్లు వార్త‌లొస్తున్నాయి.

రామ్ చ‌ర‌ణ్ పెద్ది...

ఓ తెలుగు సినిమా కోసం హ‌య్యెస్ట్ రెమ్యూన‌రేష‌న్ తీసుకోనున్న మ్యూజిక్ డైరెక్ట‌ర్‌గా ఏఏ 23 మూవీతో లోకేష్ రికార్డ్ క్రియేట్ చేయ‌బోతున్న‌ట్లు స‌మాచారం. . రామ్‌చ‌ర‌ణ్ పెద్ది సినిమాకు మ్యూజిక్ అందించినందుకు ఆస్కార్ విన్న‌ర్ రెహ‌మాన్ 15 కోట్లు తీసుకున్నారు. అల్లు అర్జున్ మూవీతో రెహ‌మాన్‌ను అనిరుధ్ దాటేశాడ‌ని టాక్ వినిపిస్తోంది.
ప్ర‌స్తుతం ఏఏ 23తో పాటు ర‌జ‌నీకాంత్ జైల‌ర్ 2, ద‌ళ‌ప‌తి విజ‌య్ జ‌న‌నాయ‌గ‌న్‌, శింబు అర‌స‌న్ సినిమాల‌కు మ్యూజిక్ అందిస్తున్నాడు అనిరుధ్‌. తెలుగులో అనిరుధ్ సంగీతం స‌మ‌కూర్చిన నాని ప్యార‌డైజ్ ఆగ‌స్ట్ 21న ప్రేక్ష‌కుల ముందుకు రాబోతుంది. బాల‌కృష్ణ, కొర‌టాల శివ సినిమాకు మ్యూజిక్ డైరెక్ట‌ర్‌గా ఇత‌డే ప‌నిచేయ‌నున్న‌ట్లు ప్ర‌చారం జ‌రుగుతోంది.