Toxic Yash Success Story | కేవలం రూ.300తో బెంగళూరుకు.. టీలు అమ్మే స్థాయి నుంచి రూ.4000 కోట్ల ‘రామాయణ’ వరకు.. రాకీ భాయ్ ఇన్‌స్పైరింగ్ స్టోరీ!

కేవలం 300 రూపాయలతో ఇంట్లోంచి పారిపోయి వచ్చిన ఓ కుర్రాడు.. ఇప్పుడు రూ. 4000 కోట్ల సినిమాకు కో-ప్రొడ్యూసర్! రాకీ భాయ్ యశ్ ఇన్‌స్పైరింగ్ సక్సెస్ స్టోరీ మీకోసం.

Jagadeesh

Entertainment | Published On Aug 12, 2026, 11.00 pm IST

Toxic Yash Success Story | కేవలం రూ.300తో బెంగళూరుకు.. టీలు అమ్మే స్థాయి నుంచి రూ.4000 కోట్ల ‘రామాయణ’ వరకు.. రాకీ భాయ్ ఇన్‌స్పైరింగ్ స్టోరీ!

సంక్షిప్త సారాంశం

ఒకప్పుడు నాటకాల దగ్గర టీలు అందిస్తూ రోజుకు రూ. 50 సంపాదించిన యశ్, ఇప్పుడు వందల కోట్ల భారీ బడ్జెట్ సినిమాలతో పాన్-ఇండియా స్టార్‌గా ఎదిగారు. బస్ డ్రైవర్ కొడుకైన యశ్.. కేవలం రూ.300 జేబులో పెట్టుకుని బెంగళూరు పారిపోయి వచ్చి తన కలలను సాకారం చేసుకున్నారు. KGF సిరీస్‌తో దేశవ్యాప్తంగా క్రేజ్ తెచ్చుకున్న ఆయన, ఇప్పుడు రూ. 500 కోట్ల 'టాక్సిక్', రూ. 4000 కోట్ల 'రామాయణ' సినిమాలతో బిజీగా ఉన్నారు. 2026 నాటికి యశ్ నెట్ వర్త్ సుమారు రూ. 50 నుంచి 60 కోట్లు ఉంటుందని అంచనా.

Toxic Yash Success Story | త్రినేత్ర.న్యూస్ : సూపర్ స్టార్లు (Superstars) రాత్రికి రాత్రే పుట్టుకురారు. వారి సక్సెస్ వెనుక ఎన్నో కష్టాలు, కన్నీళ్లు ఉంటాయి. కన్నడ రాకింగ్ స్టార్, 'రాకీ భాయ్' యశ్ (Yash) ప్రయాణం కూడా అలాంటిదే. టీలు అమ్మే స్థాయి నుంచి ఏకంగా రూ.4000 కోట్ల భారీ ప్రాజెక్ట్‌ను కో-ప్రొడ్యూస్ చేసే స్థాయికి ఎదిగిన ఆయన సక్సెస్ స్టోరీ ప్రతి ఒక్కరికీ ఆదర్శం.

బస్ డ్రైవర్ కొడుకు.. జేబులో రూ. 300తో..

యశ్ తండ్రి అరుణ్ కుమార్ బెంగళూరు మెట్రోపాలిటన్ ట్రాన్స్‌పోర్ట్ కార్పొరేషన్ (BMTC) బస్ డ్రైవర్ కాగా, తల్లి పుష్ప ఒక గృహిణి. నటుడు అవ్వాలనే కసితో తన 16 ఏళ్ల వయసులో కేవలం రూ.300 జేబులో పెట్టుకుని ఇంటి నుంచి బెంగళూరుకు పారిపోయి వచ్చాడు యశ్. ఒకవేళ ఫెయిల్ అయితే, తిరిగి ఇంటికి వచ్చి తాము చెప్పిన ప్లాన్-బి (Plan B) ఫాలో అవ్వాలని తల్లిదండ్రులు కండిషన్ పెట్టారు. కానీ, ఆయన వెనక్కి తిరిగి చూసుకోలేదు. సినీ పరిశ్రమలో అవకాశాల కోసం ఎన్నో కష్టాలు పడ్డాడు. నాటకాలు వేసే థియేటర్ల దగ్గర బ్యాక్‌స్టేజ్‌లో టీలు అందిస్తూ రోజుకు కేవలం రూ.50 సంపాదించేవాడు. ఇండస్ట్రీలో అడుగుపెట్టేందుకు ఓ కన్నడ దర్శకుడి దగ్గర అసిస్టెంట్ డైరెక్టర్‌గా కూడా పనిచేశాడు.

టీవీ సీరియల్స్ నుంచి KGF రేంజ్‌కు

బీవీ కారంత్ ఆధ్వర్యంలోని 'బెనక' థియేటర్ ట్రూప్‌లో చేరిన తర్వాత అతని దశ తిరిగింది. 2004లో 'ఉత్తరాయణ', ఆ తర్వాత ఫేమస్ అయిన 'నంద గోకుల' సీరియల్స్‌తో బుల్లితెరపైకి ఎంట్రీ ఇచ్చాడు. 2007లో 'జంబాడ హుడుగి'తో వెండితెరకు పరిచయమై.. ఆ తర్వాత మొగ్గిన మనసు, గూగ్లీ, మిస్టర్ అండ్ మిసెస్ రామాచారి వంటి వరుస హిట్స్ అందుకున్నాడు. ఇక 2018లో వచ్చిన KGF Chapter 1 (రూ.250 కోట్ల కలెక్షన్లు), 2022లో వచ్చిన KGF Chapter 2 (రూ.1200 కోట్ల కలెక్షన్లు) యశ్‌ను తిరుగులేని గ్లోబల్ స్టార్‌ను చేశాయి.

కోట్ల ఆస్తి.. అయినా మరువని మూలాలు

బాక్సాఫీస్ వద్ద ఎన్ని రికార్డులు బద్దలు కొట్టినా, ఎంత ఎదిగినా మూలాలు మర్చిపోని వ్యక్తిత్వం యశ్‌ది. 2017లో తన భార్య, నటి రాధికా పండిట్‌తో కలిసి 'యశో మార్గ ఫౌండేషన్' (Yasho Marga Foundation) స్థాపించి ఎన్నో సేవా కార్యక్రమాలు చేస్తున్నారు. 2026 నాటికి యశ్ ఆస్తి (Net worth) రూ.50-60 కోట్లు ఉంటుందని అంచనా. బెంగళూరు నార్త్‌లోని ప్రెస్టీజ్ గోల్ఫ్‌షైర్‌లో రూ.6-7 కోట్ల విలువైన లగ్జరీ డ్యూప్లెక్స్ ఇల్లు, ఖరీదైన కార్లు ఆయన సొంతం.

ఇక రూ.4000 కోట్ల సినిమా

ప్రస్తుతం యశ్ తన కెరీర్‌లోనే అత్యంత పీక్ స్టేజ్‌లో ఉన్నాడు. దర్శకురాలు గీతూ మోహన్‌దాస్ తెరకెక్కిస్తున్న పాన్-ఇండియా మూవీ 'టాక్సిక్: ఫెయిరీటేల్ ఫర్ గ్రోన్-అప్స్' (Toxic)లో ఆయన లీడ్ రోల్ చేస్తున్నాడు. KVN ప్రొడక్షన్స్ నిర్మిస్తున్న ఈ సినిమా బడ్జెట్ సుమారు రూ.500 కోట్లు అని సమాచారం.

అలాగే నితీష్ తివారీ ప్రతిష్టాత్మకంగా తెరకెక్కిస్తున్న పౌరాణిక చిత్రం 'రామాయణ' (Ramayana)లో రావణుడిగా నటించడమే కాకుండా, నమిత్ మల్హోత్రాతో కలిసి ఆ సినిమాకు సహ నిర్మాతగానూ వ్యవహరిస్తున్నాడు. ప్రొడక్షన్, విజువల్ ఎఫెక్ట్స్ (VFX), గ్లోబల్ మార్కెటింగ్ కోసం ఈ రామాయణ రెండు భాగాలకు ఏకంగా రూ.4000 కోట్లు ఖర్చు చేస్తున్నట్లు తెలుస్తోంది. ఒకప్పుడు టీలు అమ్మిన కుర్రాడు.. తనపై తనకున్న నమ్మకంతో ఈరోజు ఈ స్థాయికి చేరడం నిజంగా అందరికీ స్ఫూర్తిదాయకం.