Anupama Parameswaran | అనుప‌మ ప‌ర‌మేశ్వ‌ర‌న్ క్రేజీ క‌ళ్యాణం రిలీజ్‌లో కొత్త ట్విస్ట్ – ర‌ష్మిక మంద‌న్న‌తో పోటీ!

Anupama Parameswaran |  ల‌వ్ బ్రేక‌ప్ బాధ ఇప్పుడిప్పుడే కోలుకుంటోంది అనుప‌మ ప‌ర‌మేశ్వ‌ర‌న్‌. తిరిగి యాక్టింగ్‌పై ఫోక‌స్ పెట్టిన ఈ మ‌ల‌యాళ ముద్దుగుమ్మ కొత్త క‌థ‌లు వింటోంది. ప్ర‌స్తుతం తెలుగులో అనుప‌మ ప‌ర‌మేశ్వ‌ర‌న్ హీరోయిన్‌గా న‌టించిన భోగితో పాటు క్రేజీ క‌ళ్యాణం సినిమాలు రిలీజ్‌కు సిద్ధంగా ఉన్నాయి. ఈ రెండు సినిమాల్లో తెలంగాణ యువ‌తిగా అనుప‌మ క‌నిపించ‌బోతుంది.

రెండు వారాల ముందే...

క్రేజీ క‌ళ్యాణం సినిమా రిలీజ్‌పై మేక‌ర్స్ ట్విస్ట్ ఇచ్చారు. ప్ర‌క‌టించిన డేట్ కంటే రెండు వారాల ముందే ఈ మూవీని థియేట‌ర్ల‌లోకి తీసుకురానున్న‌ట్లు ప్ర‌క‌టించారు. రొమాంటిక్ కామెడీగా రూపొందిన ఈ సినిమాను తొలుత అక్టోబ‌ర్ 30న విడుద‌ల చేయాల‌నుకున్నారు. తాజాగా ఈ సినిమా ప్రీ పోన్ అయ్యింది. ద‌స‌రా కానుక‌గా అక్టోబ‌ర్ 16న ప్రేక్ష‌కుల ముందుకు రాబోతుంది. కొత్త రిలీజ్ డేట్‌ను వెల్ల‌డిస్తూ మేక‌ర్స్ ఓ పోస్ట‌ర్‌ను రిలీజ్ చేశారు. ఈ పోస్ట‌ర్‌లో పెళ్లి కూతురు గెట‌ప్‌లో అనుప‌మ క‌నిపిస్తోంది. ఆమె వెనుక...త‌రుణ్ భాస్క‌ర్‌, సీనియ‌ర్ న‌రేష్‌, అఖిల్ టెన్ష‌న్ ప‌డుతున్న‌ట్లుగా క‌నిపించ‌డం ఆస‌క్తిని పంచుతోంది.

పెళ్లి వేడుక నేప‌థ్యంలో...

తెలంగాణ పెళ్లి వేడుక నేప‌థ్యంలో రొమాంటిక్ కామెడీగా రూపొందుతోన్న ఈ సినిమాకు భ‌ద్ర‌ప్ప గాజుల ద‌ర్శ‌క‌త్వం వ‌హిస్తున్నారు. అనుప‌మ ప‌ర‌మేశ్వ‌ర‌న్‌కు జోడీగా అఖిల్ క‌నిపించ‌బోతున్నాడు.

జైల‌ర్‌, ర‌ణ‌బాలి...

అక్టోబ‌ర్ 15న ర‌జ‌నీకాంత్ జైల‌ర్‌ 2, అక్టోబ‌ర్ 16న విజ‌య్ దేవ‌ర‌కొండ‌, ర‌ష్మిక మంద‌న్న ర‌ణ‌బాలి ప్రేక్ష‌కుల ముందుకు రానున్నాయి. ఈ రెండు పెద్ద సినిమాల‌కు అనుప‌మ ప‌ర‌మేశ్వ‌ర‌న్ ఏ మాత్రం పోటీ ఇస్తుంది? క్రేజీ క‌ళ్యాణం సినిమాకు థియేట‌ర్లు దొరుకుతాయా? అన్న‌ది ఆస‌క్తిక‌రంగా మారింది.

క్రేజీ క‌ళ్యాణంతో పాటు శ‌ర్వానంద్ భోగిలో అనుప‌మ ప‌ర‌మేశ్వ‌ర‌న్ హీరోయిన్‌గా క‌నిపించ‌బోతుంది. ఇందులో ప‌ల్లెటూరి అమ్మాయిగా డీ గ్లామ‌ర్ పాత్ర చేస్తోంది. సంప‌త్ నంది ద‌ర్శ‌క‌త్వం వ‌హిస్తున్న ఈ మూవీ న‌వంబ‌ర్ 12న రిలీజ్ అవుతోంది.