Dulquer Salmaan | వెరైటీ ల‌వ్ సాంగ్‌తో దుల్క‌ర్ స‌ల్మాన్ స‌ర్‌ప్రైజ్ – హీరోయిన్‌గా అమెరికా అమ్మాయి

Dulquer Salmaan |  మ‌ల‌యాళ స్టార్ హీరో దుల్క‌ర్ స‌ల్మాన్‌కు తెలుగులో భారీగానే ఫ్యాన్ ఫాలోయింగ్ ఉంది. మ‌హాన‌టి, ల‌క్కీ భాస్క‌ర్ లాంటి స్ట్రెయిట్ మూవీస్‌తో క‌థానాయ‌కుడిగా తెలుగులో పెద్ద విజ‌యాల‌ను అందుకున్నాడు. ల‌క్కీ భాస్క‌ర్ త‌ర్వాత తెలుగులో దుల్క‌ర్ స‌ల్మాన్ హీరోగా న‌టిస్తున్న మూవీ ఆకాశంలో ఒక తార‌. సాత్విక వీర‌వ‌ల్లి హీరోయిన్‌గా న‌టిస్తోన్న ఈ సినిమాలో శృతి హాస‌న్ ఓ కీల‌క పాత్ర‌లో క‌నిపించ‌బోతుంది. ప‌వ‌న్ సాదినేని ద‌ర్శ‌క‌త్వం వ‌హిస్తున్నారు.

నేష‌న‌ల్ అవార్డ్ విన్న‌ర్‌...

దుల్క‌ర్ స‌ల్మాన్ బ‌ర్త్‌డే సంద‌ర్భంగా మంగ‌ళ‌వారం ఆకాశంలో ఒక తార సినిమా నుంచి ఫ‌స్ట్ సింగిల్‌ను మేక‌ర్స్ రిలీజ్ చేశారు. చిట్టి చిట్టి చీమ అంటూ సాగిన మెలోడీ సాంగ్‌ను ర‌మ్య బెహ‌రా ఆల‌పించింది. నేష‌న‌ల్ అవార్డ్ విన్న‌ర్ జీవీ ప్ర‌కాష్ కుమార్ మ్యూజిక్ అందించారు. శ్రీమ‌ణి సాహిత్యం స‌మ‌కూర్చారు.

రెగ్యుల‌ర్ ల‌వ్ సాంగ్ కాదు...

హీరోయిన్ కోణం నుంచి ఆమె క‌ల‌ల‌ను, ల‌క్ష్యాల‌ను వివ‌రిస్తూ అర్థ‌వంతమైన సాహిత్యంతో ఈ పాట సాగింది. న‌క్షత్రాలను చేరాలనే ఒక మహిళ కలను, ఆమెకు అండగా నిలిచిన‌ వ్యక్తి ప్రేమ ఈ పాట‌లో చూపించారు. రెగ్యుల‌ర్ ల‌వ్ సాంగ్స్‌కు భిన్నంగా నాయ‌కానాయిక‌ల ప్రేమ‌క‌థ‌ను కొత్త‌గా చిట్టి చిట్టి చీమ సాంగ్‌లో ఆవిష్క‌రించారు.

ఎవ‌రీ సాత్విక‌....

ఆకాశంలో ఒక తార మూవీతో ఎన్ఆర్ఐ సాత్విక వీర‌వ‌ల్లి హీరోయిన్‌గా టాలీవుడ్‌లోకి ఎంట్రీ ఇవ్వ‌బోతుంది. అమెరికాలో పుట్టి పెరిగిన సాత్విక ఇంజినీరింగ్ కంప్లీట్ చేసింది. ఓ హెల్త్‌కేర్ కంపెనీలో కొన్నాళ్లు జాబ్ చేసింది. ఈ సినిమా ఆడిష‌న్స్‌కు అటెండ్ అయిన సాత్విక...హీరోయిన్‌గా న‌టించే ఛాన్స్ ద‌క్కించుకుంది. ఈ సినిమాలో శృతి హాస‌న్ ఓ బోల్డ్ రోల్‌లో క‌నిపించ‌బోతుంది. ఆకాశంలో ఒక తార సినిమాను . స్వప్న సినిమా, గీతా ఆర్ట్స్ స‌మ‌ర్ప‌ణ‌లో సందీప్ గున్నం, రమ్య గున్నం నిర్మిస్తున్నారు.